Coedo Taproom (Fashion Walk) (Closed)

突然愛上手工啤酒的我，知道銅鑼灣開了間日本手工啤酒店，難得今日過海當然要試下。門口差不多坐滿人，反而入面只有一桌客人。門口裝飾己經十分日本化，入到去如入左日本居酒屋一樣。中間有一個很大的啤酒位，有不少啤酒喉係度和後面有一個廚房。而牆上寫了10款最受歡迎和價錢清楚列明。待應來到給餐牌，原來除了手工啤酒外還有紅酒和飲酒的小吃，今次當然叫回佢地的手工啤酒！～十五十六都吾知飲咩好，最後叫左5杯不同的酒(30ml)，可以每款都試下。$120價錢都合理，而桌面其實有一張膠面的紙，就係給這SET啤酒用。上面寫了五款不同的啤酒名，味道之類都好窩心。五款不同的啤酒都各俱特色，而顏色方面由藍，白，啡，紅，黑順序飲。本人因為始終酒量淺，都係藍白最好飲，啤酒花味香而易飲吾苦。紅黑酒精濃度最高，比較難入口。之後去廁所放的東西都大開眼界，有齊晒清潔用品，不愧係日本啤酒店，期待下次過來再試其他飲品和送酒小食。$120結帳加一都係＄132都合理價，可以試到5款手工啤酒！～但佢地11:30左右已經差不多收工，最好下次早少少黎可更好。