Video
Read full review
2024-09-23
243 views
係元朗唔止得放題，搵到呢間cafe都好高質下，入到黎坐位寬敞、樓底高，坐低舒服。叫一個主食，加58蚊，就有頭盤、飲品、甜品，食到飽飽！風乾火腿哈密瓜田園沙律，有好多片ham，哈密瓜又清甜，伴碟仲有沙律菜，個汁好特別係果醬。龍蝦湯，暖笠笠湯濃郁。軟殼蟹、牛油果、煙三文魚野菌意大利飯，原隻軟殼蟹炸到脆卜卜，野菌好香，忌廉汁包住每粒飯，飯粒好煙韌。櫻花蝦泰式冬蔭功椰香海鮮手工意大利麵，櫻花蝦脆得黎帶少少咸香，同冬蔭功汁味道好夾，真係好似飲緊冬蔭功湯咁，仲有青口、蝦、蟹棒等海鮮，意粉比較粗身，有咬勁。藍莓芝士蛋糕、朱古力蛋糕，我覺得朱古力蛋糕好味啲，濃得黎朱古力味又唔會太甜太漏，正！飲品選擇都好多，唔會好似岀面只可叫檸茶檸水，就叫左凍mocha和麥茶。
叫一個主食，加58蚊，就有頭盤、飲品、甜品，食到飽飽！
風乾火腿哈密瓜田園沙律，有好多片ham，哈密瓜又清甜，伴碟仲有沙律菜，個汁好特別係果醬。
龍蝦湯，暖笠笠湯濃郁。
軟殼蟹、牛油果、煙三文魚野菌意大利飯，原隻軟殼蟹炸到脆卜卜，野菌好香，忌廉汁包住每粒飯，飯粒好煙韌。
櫻花蝦泰式冬蔭功椰香海鮮手工意大利麵，櫻花蝦脆得黎帶少少咸香，同冬蔭功汁味道好夾，真係好似飲緊冬蔭功湯咁，仲有青口、蝦、蟹棒等海鮮，意粉比較粗身，有咬勁。
藍莓芝士蛋糕、朱古力蛋糕，我覺得朱古力蛋糕好味啲，濃得黎朱古力味又唔會太甜太漏，正！
飲品選擇都好多，唔會好似岀面只可叫檸茶檸水，就叫左凍mocha和麥茶。
Post
