Video
Read full review
2024-03-17
1600 views
Wed 13 Mar 20241954年首家由 馮滿 創立「鳳城酒家」於銅鑼灣伊榮街開業。經歷70年高低起跌，輾轉間2022年尾 呢度重開，終於有機會嚟試吓。順德菜，好多都係手工嘢，平常材料+花嘅功夫多 又唔會賣得貴，所以利潤低，喺香港呢啲金錢掛帥嘅商業社會，已經好少人願意做。招牌菜包括金錢雞、大良野雞卷、大良炒鮮奶、炸子雞等。真係新人士新作風。北京片皮鴨🧐？順德魚雲羹。呢個保留到傳統嘅味道，亦顯功架。工序多。魚頭拆肉煮羹，再把魚頭煎香、灒酒、煮湯、滾好後，把魚頭雲撈起，再加入切絲配料如冬菇、鮮荀、勝瓜、欖仁和金華火腿等煮成，絕對是心機之作。生菜 包鵪鶉崧。鵪鶉粒鮮美有咬勁，加埋醬爆味，生菜包清爽解，食指大動。蝦多士。現代版嘅蝦多士，成隻蝦鋪上去炸，一定係真材實料what you see what you get。金錢雞。可惜今次無緣品嚐，但係都要推介。這道懷舊菜由肥肉、瘦肉、雞肝疊起而成，狀如金錢。求刀工，肉走筋切得透光。材料醃好燒，上汁，油脂豐腴。最後，萬眾期待的甜品 – 蓮蓉焗西米布甸，由侍應分配，急不及待大口吃。吉士餡充滿蛋香，西米軟滑，配上蓮蓉。甜度剛剛好，吃完還感覺不足，差
1954年首家由 馮滿 創立「鳳城酒家」於銅鑼灣伊榮街開業。經歷70年高低起跌，輾轉間2022年尾 呢度重開，終於有機會嚟試吓。
順德菜，好多都係手工嘢，平常材料+花嘅功夫多 又唔會賣得貴，所以利潤低，喺香港呢啲金錢掛帥嘅商業社會，已經好少人願意做。
招牌菜包括金錢雞、大良野雞卷、大良炒鮮奶、炸子雞等。
真係新人士新作風。北京片皮鴨🧐？
順德魚雲羹。呢個保留到傳統嘅味道，亦顯功架。工序多。魚頭拆肉煮羹，再把魚頭煎香、灒酒、煮湯、滾好後，把魚頭雲撈起，再加入切絲配料如冬菇、鮮荀、勝瓜、欖仁和金華火腿等煮成，絕對是心機之作。
生菜 包鵪鶉崧。鵪鶉粒鮮美有咬勁，加埋醬爆味，生菜包清爽解，食指大動。
蝦多士。現代版嘅蝦多士，成隻蝦鋪上去炸，一定係真材實料what you see what you get。
金錢雞。可惜今次無緣品嚐，但係都要推介。這道懷舊菜由肥肉、瘦肉、雞肝疊起而成，狀如金錢。求刀工，肉走筋切得透光。材料醃好燒，上汁，油脂豐腴。
最後，萬眾期待的甜品 – 蓮蓉焗西米布甸，由侍應分配，急不及待大口吃。吉士餡充滿蛋香，西米軟滑，配上蓮蓉。甜度剛剛好，吃完還感覺不足，差點想吃多一個才收手。
Post
