Video
Read full review
2023-01-09
160 views
傳統手工點心🤔🤔最近突然心血來潮想飲茶，見到有人推介呢間手工點心，當日weekend遲左起身仲驚會好多人排隊食唔到，好彩等左一陣就入得😆我地叫左👇🏻💛 蟹子燒賣皇 $33見到有好多創新口味既燒賣，但穩陣起見都係食返最普通呢隻🤭就咁望就比酒樓平時d燒賣細粒，但勝在入面唔算太多肥油，蝦既比例都幾多，味道唔錯😚💛 鮮蝦菜苗餃 $30呢個真係皮薄餡靚❣️個水晶皮好薄，略帶咬口，仲有d彈性，口感唔錯🤣🤣入面好多菠菜，有用蒜蓉炒過好香，波菜都好新鮮，食落好爽口👍🏻💛 鮮蝦春卷 $28呢個就稍微無前面兩個咁好食，個底全部都係油😑 超級唔乾身，就算本身算脆都扣返分，雖然入面d蝦肉都幾新鮮，但分佈太唔平均，得半條有蝦，另一半全部都係菜同紅蘿蔔🫥💛 雪山叉燒包 $26呢個個底都係好油🥲🥲雪山面比較少，但都脆身，比較特別係入面真係有一舊舊叉燒，唔會太碎或者得一堆醬☺️💛 養顏薑汁糕 $26呢個層次非常分明，有成11層，絕對係誠意之作❣️🙌🏻味道方面唔算太甜，口感煙韌，極度夠薑，鍾意食辣既人應該會幾鍾意食🫡💛 金牌咖哩土魷 $38咖哩係傳統港式咖哩，夠香偏甜唔辣，土魷大大件，口感彈牙，仲有兩舊麵筋，索晒咖哩汁好邪惡
最近突然心血來潮想飲茶，見到有人推介呢間手工點心，當日weekend遲左起身仲驚會好多人排隊食唔到，好彩等左一陣就入得😆
我地叫左👇🏻
💛 蟹子燒賣皇 $33
見到有好多創新口味既燒賣，但穩陣起見都係食返最普通呢隻🤭
就咁望就比酒樓平時d燒賣細粒，但勝在入面唔算太多肥油，蝦既比例都幾多，味道唔錯😚
💛 鮮蝦菜苗餃 $30
呢個真係皮薄餡靚❣️個水晶皮好薄，略帶咬口，仲有d彈性，口感唔錯🤣🤣
入面好多菠菜，有用蒜蓉炒過好香，波菜都好新鮮，食落好爽口👍🏻
💛 鮮蝦春卷 $28
呢個就稍微無前面兩個咁好食，個底全部都係油😑 超級唔乾身，就算本身算脆都扣返分，雖然入面d蝦肉都幾新鮮，但分佈太唔平均，得半條有蝦，另一半全部都係菜同紅蘿蔔🫥
💛 雪山叉燒包 $26
呢個個底都係好油🥲🥲
雪山面比較少，但都脆身，比較特別係入面真係有一舊舊叉燒，唔會太碎或者得一堆醬☺️
💛 養顏薑汁糕 $26
呢個層次非常分明，有成11層，絕對係誠意之作❣️🙌🏻
味道方面唔算太甜，口感煙韌，極度夠薑，鍾意食辣既人應該會幾鍾意食🫡
💛 金牌咖哩土魷 $38
咖哩係傳統港式咖哩，夠香偏甜唔辣，土魷大大件，口感彈牙，仲有兩舊麵筋，索晒咖哩汁好邪惡🤣
overall黎講食物算中上，住附近既可以試下，專登去就會覺得有d普通，同平時茶樓差唔多😂
環境方面就比較迫，檯同檯無咩空間，基本上好難傾到計因為附近係環迴立體聲咁😖😖
上菜都幾混亂，樓面姐姐基本上每上一樣野都問有無叫，如果附近幾檯都叫同一樣野就會好亂😵💫😵💫
然後重點係d碗碟全部都好油，好似無洗過咁，誇張到已經自己洗完d野都仲見到杯茶上面飄浮既油好似碗湯咁，諗起都想嘔🤢🤢
味道：8/10 (衛生:0/10)
性價比：7/10
📍 徐記廚房點心 (太子)
太子花園街239號地舖
📌人均消費: $101-200
Post
