Pizzeria Italia (高街)

Open Now

Now Closed

朋友約我去行西營盤，佢話想買海味，買完都近黃昏，我提議食埋晚飯先散，問佢有乜好介紹，佢話有朋友推介高街有間手工 pizza 好好食，咁就去試吓啦！餐廳座位舒適，服務員非常nice，佢推介我們食意大利芝士拼盤，有煙三文魚，新鮮炸魷魚，香炸雞肉餅，蕃茄仔，青瓜及自家製忌廉芝士醬，三文魚肥美鮮甜，魷魚炸得好香脆，雞肉餅就冇得輸，肉香juicy 又香口，各樣都可以搽上忌廉芝士醬，提升各樣的口感，真心冇介紹錯。朋友話想食意粉，我哋order咗個意大利特式忌廉雞肉蘑菇意粉，每條意粉都掛滿忌廉汁，加上雞肉蘑菇一齊食，口感好到冇得彈。話明係手工 pizza 店，冇理由唔order， 我最鍾意食的巴馬火腿哥根蘇拿芝士洋蔥, pizza都是廚師即時制作，餅底香脆配上火腿芝士洋蔥，係我食過最好味的pizza 。整體食物非常出色，結賬每人都係二百多元，真係好抵食。原來仲有dinner set添，真係一個同朋友吹水食嘢的好地方！