Mano (海濱匯)

Open Now

Now Closed

呢間餐廳食過幾次都唔錯，所以都會返轉頭食！平時星期日都有brunch Menu，真係啱晒！除咗環境唔錯，店員都係講英文可以練習吓！Flames Big Breakfast:超級豐富，有烤煙肉，烤香腸，太陽蛋，炒雜菌，烤蕃茄，烤多士。咁多樣嘢，其中煙肉，香腸，蛋同埋多士都係打孖上，份量好足。蕃茄新鮮多汁，蘑菇炒得好香，真係最喜愛😍蒜蓉多士唔會硬掘掘，食咗呢個係好嘅一日嘅開始。夏威夷薄餅：菠蘿，火腿，俄勒岡葉，聖馬札諾蕃茄，馬蘇里拉芝士。手工制pizza，個薄餅好煙韌，菠蘿同火腿一齊食，帶出肉嘅鹹香，真係好滿足。呢度嘅Pizza亦係好好食👍🏻發現飲品買一送一，跟住就叫咗2杯好靚嘅mocktail.VirgIn Sangria : 有切得好碎嘅熱帶雜果，熱情果糖漿，荔枝糖漿，薄荷及梳打水。飲落有清新果味，幾解渴。Tropical Punch : 蜜瓜味糖漿，熱情果蓉，紅梅蓉，菠蘿汁同埋濃茶，仲有舊新鮮菠蘿做裝飾。飲落熱帶果味出晒嚟。