新東記魚蛋粉 (Closed)

因準備今晚預祝中秋, 大伙十幾人食飯, 走來楊屋道街市買餸. 之後, 由爸帶路, 帶我食好味魚蛋同正牛腩.一般潮州粉麵鋪, 不是華麗食堂, 以質素好, 來吸引客人, 而且, 是街坊客多, 需要的是抵食, 好食.先說其手打魚蛋, 爸上次就是被即場手打的魚蛋, 吸引入來, 潮州魚蛋, 食落軟棉棉, 咬落是啖啖魚肉, 而不是啖啖粉. 牛腩, 精選了廋腩肉, 清湯靚腩, 帶少少肥肉, 近乎爽腩, 亦非常入味. 爸要了個牛腩飯, 牛腩另一碗上, 用上腩湯汁撈飯. 份外冶味. 我食一個牛腩魚皮餃麵, 媽要了一個魚蛋魚麵, 也相當之不錯. 補充體力後, 再戰街市. 補充, 紫菜湯, 值得飲完再飲.