金翠餐廳

Open Now

Now Closed

依家茶記嘅套餐越嚟越誇張，特別係佢啲扒餐，除咗有牛扒豬扒之外，仲有羊扒同埋龍蝦。而且只要叫一個扒餐，咁就可以包餐湯餐包同飲品。如果係揀佢晚餐套餐嘅話仲可以有一個沙律同埋甜品。以茶記嚟講個份量非常之充足，亦都好有儀式感。我叫咗個安格斯T字骨配燒汁，塊扒超級大，而且做得到五成熟，底下仲有薯條同埋蔬菜，份量好夠飽。而另一個扒餐就係豬扒，豬扒嘅肉質好厚實。順帶一提，佢嘅下午茶餐超級抵食，$30就食到，如果唔想食扒餐嘅話，嗰個下午茶都值得一試。