傳心廚意

Open Now

Now Closed

最近去開荔枝角先知原來嗰度除咗有得打室內高爾夫球之外，仲有一間餐廳等人可以一路打一路食！呢間餐廳質素都幾唔錯，選擇非常之多～ 我哋就晚市叫咗一個套餐，包括咗一個沙律同埋湯。而主菜方面我哋就分別叫咗伊比利亞黑毛豬安配時令蔬菜，口感有啲特別，煎得比較香脆，肉質好嫩滑，而且所配嘅醬汁啱啱好，能夠帶出肉嘅香濃，而且蔬菜份量好多，整體味道好唔錯！另外我哋仲叫咗鵝肝蝦子撈麵，呢個感覺好fusion～所以好好奇咁叫咗，又幾意外地呢個係好好食！本身佢鵝肝已經煎得非常之香濃，而且蟹籽嘅味道都好出，咁樣撈埋啲面嚟食，除咗食到油香味之外，仲可以食到香濃嘅鵝肝味道，口感幾豐富！除此之外，佢哋仲叫咗意大利檸檬撻配焦糖啤梨。檸檬他本身看得好香脆，配合埋焦糖啤梨，中和檸檬嘅酸味。整體嚟講我覺得呢間餐廳都好啱你打Golf嘅朋友仔之外，其實專登去食都好OK！食物質素唔錯之餘都唔算好貴，萬事嚟講都算好抵食～！