Video
Exit D1, Lai Chi Kok MTR Station, Exit D2, Lai Chi Kok MTR Station
continue reading
Telephone
25936888
51148653
Opening Hours
Today
12:00 - 21:00
Mon - Sun
12:00 - 21:00
Above information is for reference only. Please check details with the restaurant.
食物份量足地方寬敞梳化椅舒服職員服務殷勤地點方便, 荔枝角地鐵站一出就係 D2 place愉快輕鬆歌曲欣賞人哋打 golf野生海蝦意大利麵野生海蝦十分有蝦味, 蝦肉爽彈, size又大隻, 內裏有蕃茄粒同洋蔥粒, 口感豐富, 大家都好鍾意加配：意大利蕃茄湯 酸酸地, 少少辣, 沙律菜 十分新鮮, 再配橄欖油同黑醋, 十分健康, 凍檸茶 少冰, 自己調教甜度煙三文魚黑松露意大利麵加配：忌廉菠菜 入口非常 creamy 滑口, 菠菜味濃鬱.墨西哥雞槌配薯條雞槌外脆, 內裏 juicy, 新鮮炸出, 一啲都唔油膩, 份量十分多, 大家都好鍾意黑松露芝士薯角薯角連皮十分美味, 十分香口, 黑松露十分多.
continue reading
今日約咗朋友喺荔枝角D2 Place，適逢午餐時間，意外發現一間開業多年嘅室內哥爾夫球場「Golfzon club & dining」裏面有一間西餐廳「Zachary Choice」菜式好得別，細看餐牌，除了一般西餐菜式之外，仲有一些好特別嘅菜式，例如麻辣惹味豬、麻辣噴火鴨、秘魯海鮮漬等等，但係吸引到我入去嘅係「鵝肝蝦籽撈面」，這個組合我喜歡🫶▪️鵝肝蝦籽撈面 $ 158Foie gras • Shrimp roe • Noodle這個創意料理，三樣食材組合起來真係意想不到咁美味，鵝肝超大件，煎得外脆內軟，生熟程度剛好，配合蛋味香濃，爽口彈牙粗身嘅蝦子麵條，再灑上蝦味嘅蝦籽，每樣食材帶有佢哋獨特嘅美味，另外仲有大條得來好鮮嫩嘅露荀，整到菜式真係大癲好食🫶▪️另外+$28 可以享用自助餐湯、沙律吧、麵包及飲品一杯餐湯今日係非常濃郁足料嘅羅宋湯，新鮮沙律菜、蕃茄和紫洋蔥都可以隨便食，仲有新鮮麵包配上黑醋和橄欖油，非常滋味，最後餐飲點上我每日都需要嘅黑咖啡，完美嘅一餐✨另外呢度環境非常舒適，大部份位置都以梳化為主，而且好寬敞，絕對可以悠悠閒閒，好舒服咁食一個午餐，食晚餐最好先致電訂位，因為這裏好多時間都會被客人包場🫶
continue reading
荔枝角D2 place呢間室內哥爾夫球練習場原來有間西餐廳，咁啱經過見到門口有個menu先知，入面環境幾大幾舒服，又有得睇人打golf，所以就去試下。 我同朋友叫咗一個set同散叫一個主食，人均唔駛$300。 ⭐伊比利亞黑毛豬鞍配時令蔬菜豬胺煎到表面微脆，入口充滿肉汁，肉質食落幾鮮嫩。豬胺仲切到一件件，方便一啖咁食。配埋個黑椒磨菇汁份外惹味。 ⭐鵝肝蝦子撈麵呢道菜式係中西fusion，呢個配搭幾特別。鵝肝好大塊，外皮煎到好香，入口即溶，成口充滿鵝油嘅香味。蝦子份量一啲都唔少，食粗面嘅時候啖啖都食到。 ⭐意大利檸檬撻配焦糖啤梨叫主食可以加$68點埋甜品，食呢個檸檬撻酸酸地可以解油消滯，而入面仲混入咗啲啤梨肉，有啲甜味中和一下，個撻皮亦都整得幾鬆脆。仲跟咗粒馬卡龍，幾好味，唔算太甜。 ⭐蕃茄湯⭐沙律⭐凍檸茶主食加$38有埋是日餐湯、沙律同餐飲，呢個抵加。 整體黎講，呢間啲嘢食唔錯，坐得又幾舒服，幾啱同朋友黎。
continue reading
今日係年三十收爐日，約咗親友嚟D2 Place行下，原來第一期室內高爾夫球練習場入面有埋西餐提供，一於去試吓😋入到去環境非常舒服、梳化皮椅超舒適😌 仲可以邊食嘢邊睇吓人哋點樣打golf⛳️ 好嘆呀我哋叫咗一碟香煎南澳野生大虎蝦配明太子意粉，大虎蝦超大隻呀、超多蝦肉超好味🦐🦐 配埋濃郁嘅明太子汁，成碟意粉真係超好食🍝我哋叫咗一碟北海道帶子配蕃紅花意大利飯，帶子煎得好好味呀、嫩滑唔un🤤 意大利飯配有蕃紅花、洋蔥、芝士同蔥粒，味道清新，一啲都唔溜呀🤭最欣賞兩碟主菜上菜嘅時候係熱辣辣、即叫即整，食完好滿足🥳如果加$28就可以任食自助餐湯沙律吧，仲包飲品一杯，不過最近放假都食得多，所以就無升級喇
continue reading
呢間位於d2 place嘅餐廳好特別，除咗有嘢食仲有得打golf，好新奇。我今次淨係食嘢，下次可以試吓玩下。我今次嗌左個main 加配菜，仲加左錢叫埋嘢飲同沙律吧。沙律菜好新鮮，有生菜、洋蔥同車厘茄。 調味方便有黑醋、橄欖油同沙律醬選擇。同時亦有蒜蓉牛油法包提供。餐湯係忌廉蘑菇湯，菇味十足同好香。香煎南澳野生大虎蝦配明太子意粉首先份量十足，男仔食都夠哂。兩隻虎蝦好大隻，好搶眼。香煎過後香氣十足，蝦肉都保持彈牙有蝦味。蝦頭仲有滿滿嘅蝦膏，好滋味。意粉正常水準，有明太子味之餘好creamy。加埋啲蕃茄粒同洋蔥粒，增加咬口之餘又令味道昇華。忌廉菠菜正常發揮，好creamy ，加埋巴馬臣芝士，好食。嘢飲我叫左凍啡，幾好飲。Overall，食物唔錯而服務態度都好好，我下次會再想黎試下。
continue reading