豐園韓國料理 (Closed)

一個$388嘅套餐有普通烤牛肉+普通烤豬肉+人篸雞湯。先嚟嘅係極速上枱嘅人篸雞湯。點解叫極速？因為待應落完柯打，轉個身已經捧出嚟上枱。一睇，對版。有齊人篸，雞，湯。一食，不妙。無人篸味，無雞味，連塩味都無，糯米亦稀少。如果矇住眼食，一定以為自己食緊超稀粥水。再嚟就係烤肉。份量偏少，顏色亦唔新鮮，瘀瘀地咁。肉質鬆軟，但零肉味，只有韓式醃肉嘅甜甜地味。另外，配菜係無免費refill，要嘅話，$10一碟。試問三嚿薯仔或幾條芽菜又值唔值$10呢？最離奇，茶錢每位$5。去茶記都有免費茶水啦。收咁貴，重要收茶錢！除非你願意俾20%溢價，否則只會食到一肚氣。