發記飯店

Open Now

Now Closed

我地 OT完，去咗天后食晚飯。雖然好肚餓，得2個人，唔敢叫太多。只係叫咗2餸一湯罷了。有津白豆腐湯，豉椒炒鵝腸，同埋檸檬蒸烏頭。個湯有金華火腿吊味，所以雖然只有津白同豆腐，但個湯都好夠味。豉椒鵝腸呢，d鵝腸漂得大犀利，所以冇晒鵝腸嘅味道，得過爽字。唔知係咪飲完個湯先食鵝腸，個湯好夠味，但係碟鵝腸就唔夠豉椒味。個蒸烏頭，係用鹹檸檬來蒸嘅。鹹檸檬嘅鹹味蓋過晒烏頭嘅魚味。總括來說，啲餸普普通通，雖然唔係太差，但係仍然有進步嘅空間。