Video
Read full review
2023-02-07
318 views
之前嚟過兩次，都係食午餐，午餐有set lunch，而呢度嘅下午茶好多人book，成日都冇位。晚餐唔理咁多都照book定先啦。夜晚冇set dinner，係散叫。原來佢定期會有live band，留意番myth house 的面書同IG。入邊嘅環境同出邊完全唔同。頭盤叫了流浮山蝦沙律配川式麻辣蛋黃醬$148，估佢唔到原來係用一個木盒做器皿，而沙律只有三粒職員講解嘅時候建議成粒食。係有好輕微麻辣味道。我哋三個食，一人得一粒，唔夠喉。新疆風味醬燒澳洲羊架，$278一份有三件，配左新疆孜然味，有幾夾喎。配菜係炸枝竹。重羊味，但冇羶味，好好食。炭燒慢煮西班牙伊比利亞黑毛豬𩣑配南乳忌廉汁炸番薯。$278拎上嚟嘅時候係薄切嘅，職員講解其實係全熟，不過因為慢煮嘅關係所以有啲粉紅色。所以不用擔心。紅色係南乳醬，少少鹹，但係同啲肉點埋一齊好好食。豬好香炭燒味，好正。但份量太少。蟲草花野菌意大利飯$178迎合大部份香港人嘅口味，所以飯係比較淋。仲有荷葉嘅香味。自家製烏龍茶雪糕$78，烏龍茶味道香濃，底部仲有啲配料。焦糖燉蛋，入邊有好多雲呢拿籽，入口即溶，又唔會太甜，呢個真係好好食。——————————呢度
晚餐唔理咁多都照book定先啦。夜晚冇set dinner，係散叫。
原來佢定期會有live band，留意番myth house 的面書同IG。
入邊嘅環境同出邊完全唔同。
頭盤叫了流浮山蝦沙律配川式麻辣蛋黃醬$148，估佢唔到原來係用一個木盒做器皿，而沙律只有三粒
職員講解嘅時候建議成粒食。係有好輕微麻辣味道。我哋三個食，一人得一粒，唔夠喉。
新疆風味醬燒澳洲羊架，$278
一份有三件，配左新疆孜然味，有幾夾喎。
配菜係炸枝竹。重羊味，但冇羶味，好好食。
炭燒慢煮西班牙伊比利亞黑毛豬𩣑配南乳忌廉汁炸番薯。$278
拎上嚟嘅時候係薄切嘅，職員講解其實係全熟，不過因為慢煮嘅關係所以有啲粉紅色。所以不用擔心。
紅色係南乳醬，少少鹹，但係同啲肉點埋一齊好好食。豬好香炭燒味，好正。但份量太少。
蟲草花野菌意大利飯$178
迎合大部份香港人嘅口味，所以飯係比較淋。
仲有荷葉嘅香味。
自家製烏龍茶雪糕$78，烏龍茶味道香濃，底部仲有啲配料。
焦糖燉蛋，入邊有好多雲呢拿籽，入口即溶，又唔會太甜，呢個真係好好食。——————————
呢度打卡一流，服務員亦都好友善。全部食物啲味道都係好好食㗎！
不過大部份菜式嘅份量偏細，如果想食到好飽嘅朋友仔就可能要叫個牛扒或者叫多過飯意粉之類會好啲。
Post
