Lúa (Closed)

每次經過Lúa門口都忍唔住抬頭一望，因為閣樓位置整排嘅越南燈籠實在引人駐足觀賞🏮🏮🏮，今次一於同友人嚟一試越南風味！上樓馬上被室內裝修吸引，大致分開做三大區域，黃色、橙色同室外影燈籠嘅位置，每個區域嘅裝修都各有特色，睇得出店家將不少越南元素帶入其中。因為勁早嚟到，有幸坐到燈籠位置，打卡真系無敵，好開心啊！睇返個menu，定價有少許進取，不過考慮到有不少打卡位，都算系相宜，而且特定時段有滿減優惠，咁就抵好多喇。同普通嘅越南餐廳不同，哩度食材非常多元，不少配搭更系我第一次見，創意十足~▶️潘切直送小墨魚春撈檬($168)原隻小墨魚熟度剛剛好，裡面有滿滿嘅透明狀啫喱，原來就系墨魚春，第一次見同食嘅我表示非常特別，未試過嘅不妨一試~而檬粉配埋酸酸甜甜嘅泰式醬汁，都幾開胃~▶️街頭小食滋味拼盤($208)一個拼盤滿足幾個願望，有炸雞翼、豬肉春卷、甘蔗蝦串、魚餅等，可能因為香茅牛串同迷你春卷售罄，所以同menu有少許區別。要讚個雞翼真系好好味，下次要order多幾隻~▶️家鄉炒龍豆($158)今次系我第一次食龍豆，原來龍豆有豆中之王嘅美譽，今次系切成片狀再炒，加上醬料，入口微辣，纖维豐富，系幾特別嘅嘗試