Video
Read full review
2021-08-03
1458 views
之前已經想去哩間Cafe好耐，因為佢啲食物同飲品都真係超靚😆勁啱打卡📸️入到去之後估唔到個環境同餐碟都一樣咁靚，完全有貴婦嘆下午茶既感覺🤣Cafe星期一至五有午餐Menu，跟埋餐湯同飲品，可以喺餐牌上面選擇飲品，除左花茶要加$10，其他都唔洗加錢。✨Lunch Set Menu🥣是日餐湯👉🏻超濃郁既龍蝦湯🦆主菜：鴨髀配招牌窩夫 $218除左鴨髀之外，仲有好靚既招牌窩夫，打卡真係一流📸️底下仲有好多加上甜黑醋既沙律菜同埋水波蛋。鴨髀煮得好腍，肉質嫩滑，好有驚喜！水波蛋一切開係完美既流心狀態。🍳🍞英式早餐 $178哩個早餐超豐富，有超滑溜既炒蛋，厚身鹹香既煙肉，重點係一啲都唔乾！仲有炒蘑菇，煮過既新鮮蕃茄仔，法式麵包，淋上醋、味道酸酸甜甜既沙律菜，茄汁豆，巨型雞肉腸同埋外皮酥脆，內裏有好香黑松露味既炸薯蓉。🍮法式焦糖燉蛋配雪糕及窩夫 $98焦糖燉蛋上有一層厚焦糖，燉蛋口感幼滑，有淡淡既雲呢拿香味。雲呢拿雪糕上面有塊招牌朱古力，窩夫表皮脆卜卜，熱辣辣既窩夫加埋雪糕一齊食，真係勁正！另外仲有士多啤梨、超大粒藍莓同埋車厘子。☕️玫瑰拿鐵 原本要$65，跟餐free☕️特濃朱古力 原本要$60，英式早餐加
Cafe星期一至五有午餐Menu，跟埋餐湯同飲品，可以喺餐牌上面選擇飲品，除左花茶要加$10，其他都唔洗加錢。
✨Lunch Set Menu
🥣是日餐湯👉🏻超濃郁既龍蝦湯
🦆主菜：鴨髀配招牌窩夫 $218
除左鴨髀之外，仲有好靚既招牌窩夫，打卡真係一流📸️底下仲有好多加上甜黑醋既沙律菜同埋水波蛋。鴨髀煮得好腍，肉質嫩滑，好有驚喜！水波蛋一切開係完美既流心狀態。
🍳🍞英式早餐 $178
哩個早餐超豐富，有超滑溜既炒蛋，厚身鹹香既煙肉，重點係一啲都唔乾！仲有炒蘑菇，煮過既新鮮蕃茄仔，法式麵包，淋上醋、味道酸酸甜甜既沙律菜，茄汁豆，巨型雞肉腸同埋外皮酥脆，內裏有好香黑松露味既炸薯蓉。
🍮法式焦糖燉蛋配雪糕及窩夫 $98
焦糖燉蛋上有一層厚焦糖，燉蛋口感幼滑，有淡淡既雲呢拿香味。雲呢拿雪糕上面有塊招牌朱古力，窩夫表皮脆卜卜，熱辣辣既窩夫加埋雪糕一齊食，真係勁正！另外仲有士多啤梨、超大粒藍莓同埋車厘子。
☕️玫瑰拿鐵 原本要$65，跟餐free
☕️特濃朱古力 原本要$60，英式早餐加配$45
兩杯飲品都超靚🥰完全唔捨得飲，朱古力同latte同樣入口順滑，latte更有少少回甘，亦有好香既玫瑰味。
整體黎講，餐廳環境好靚，食物同樣精緻有質素，勁適合打卡，好啱約埋朋友一齊黎食野同影相。
Post
