Video
Read full review
2024-02-26
23 views
呢間嘢都開咗一段時間，俾佢個門面吸引咗，淨係個門口睇落都已經好igable 。佢做緊優惠，全日嘅手工啤都做緊買一送一。返完成日工梗係每人叫返一支啤啤佢先啦佢有好多種唔同嘅味道我自己揀咗呢支粉紅色似平時飲嘅Roses，朋友揀咗嗰支綠色就叫做越式x西式，飲落去都幾香小麥嘅味道再加花嘅香味，味道係偏酸少少。前菜我哋揀咗個酸辣柑桔鳳爪，佢食落唔會好似平時嗰啲酸辣咁辣，反而出嚟個效果係少少酸酸酸甜，幾開胃㗎。另外我哋叫咗個小食拼盤，係自選三款每樣兩件，我自己覺得份量啱啱好。佢個雞翼都幾嫩滑。即叫即包粉果，都幾好食，個皮唔會太厚，入邊都係啲木耳豬肉碎同埋一種好清爽又清脆嘅蔬果。另外佢個炸越式春卷都好好食，個外皮好鬆脆，又唔會感覺好油，呢個絕對值得一試。然後我哋叫咗個煮食係炒檬粉，佢係有晒魚啦豬啦同牛嘅扎肉，再加埋虎蝦。佢個蝦都好彈牙，不過就嫌佢呢個炒檬粉太過油。另外佢而家做緊promotion嘅燒雞有七折，所以我哋都叫咗嚟試下。都幾有看頭㗎，因為一上枱佢會點火真係燒隻雞，不過好快燒完，所以我影唔切。表演完之後佢就會攞返入廚房幫你切，呢樣係幾值得一讚嘅服務。佢個雞皮真係薄到透光，令我呢種咁怕肥嘅人食
呢間嘢都開咗一段時間，俾佢個門面吸引咗，淨係個門口睇落都已經好igable 。
佢做緊優惠，全日嘅手工啤都做緊買一送一。返完成日工梗係每人叫返一支啤啤佢先啦佢有好多種唔同嘅味道我自己揀咗呢支粉紅色似平時飲嘅Roses，朋友揀咗嗰支綠色就叫做越式x西式，飲落去都幾香小麥嘅味道再加花嘅香味，味道係偏酸少少。
前菜我哋揀咗個酸辣柑桔鳳爪，佢食落唔會好似平時嗰啲酸辣咁辣，反而出嚟個效果係少少酸酸酸甜，幾開胃㗎。
另外我哋叫咗個小食拼盤，係自選三款每樣兩件，我自己覺得份量啱啱好。佢個雞翼都幾嫩滑。
即叫即包粉果，都幾好食，個皮唔會太厚，入邊都係啲木耳豬肉碎同埋一種好清爽又清脆嘅蔬果。
另外佢個炸越式春卷都好好食，個外皮好鬆脆，又唔會感覺好油，呢個絕對值得一試。
然後我哋叫咗個煮食係炒檬粉，佢係有晒魚啦豬啦同牛嘅扎肉，再加埋虎蝦。佢個蝦都好彈牙，不過就嫌佢呢個炒檬粉太過油。
另外佢而家做緊promotion嘅燒雞有七折，所以我哋都叫咗嚟試下。都幾有看頭㗎，因為一上枱佢會點火真係燒隻雞，不過好快燒完，所以我影唔切。表演完之後佢就會攞返入廚房幫你切，呢樣係幾值得一讚嘅服務。
佢個雞皮真係薄到透光，令我呢種咁怕肥嘅人食咗都冇咁大罪惡感。不過佢啲雞肉就真係爭少少，太過腍，我自己唔係太鍾意呢種煲湯雞嘅口感，同埋佢本身冇咩味，要靠佢個醬汁。
以食越南嘢嚟講呢間嘢都真係貴，不過就勝在個環境好多打卡位，而且都幾好服務㗎。
Post
