Shake Up! (Closed)

之前見唔少人都拎住杯靚靚milkshake打卡，就心郁郁好想去試🙈上次排隊等食嘉寶漢堡🍔期間，知道尖沙咀分店就喺附近，就即刻把握機會去買💦佢主打嘅紐約風雪糕奶昔係以Movenpick雪糕🍨同新鮮牛奶🍼打成，製作過程中冇加入任何冰塊以防止味道變淡。除咗奶昔外，仲有沙冰🥤任君選擇，全部即叫即製。.我地叫嘅係《苦中一點甜》，大杯$54。所謂「苦中一點甜」，其實就係瑞士朱古力奶昔🍫奶昔口感幼滑，朱古力味道濃郁，夾雜少少苦澀味，名副其實。面頭除咗有誘人嘅忌廉，仲有黑朱古力醬同朱古力脆豆作點綴，口感豐富。低糖版嘅甜度剛好，唔會過甜😄，減輕罪惡感。