漫花燈火 OMG (Closed)

個個都黎打卡，我地又黎下，講真影相出黎係幾靚既，但係間餐廳其實好細，仲要個位勁唔就腳，係一間好噏耷嘅酒店一樓。餐廳一眼望晒，每張枱都會擺啲好靚嘅杯同碟，似係土耳其個啲ceramics ，係靚的，但仔細睇好多崩花，最美中不足係間餐廳咁靚但係個廁所好似公廁咁，佢係乾淨企理的，之不過真係同出邊好大反差。食物方面，只能話係合格。黑松露意粉都係幾香既，但係唔知點解係甜味的，好古怪，帶子係新鮮彈牙的，但有少少唔夠熟。牛肝菌意大利飯不錯， risotto 有咬口得黎唔會太硬。森林和原野個擺盤好靚，隻 lady bug 好醜樣，整走左先影相會好啲。綠茶蛋糕唔係太好食，冇咩綠茶香味但係有嗰陣苦味，tiramisu 裡面係雪糕，咁雪糕冇理由唔好食嘅。潘多拉的盒子其實似水母，係敲碎左之後可以食嘅糖，不太甜，但好硬，驚咬崩牙。個 tart 都幾好食，好重士多啤梨味。依杯士多啤梨三重奏又係個樣好靚，但說穿了只是一杯士多啤梨奶昔，索價 88，為左影下靚相。總括來講，影相影一次就夠啦。