茶聊

Open Now

Now Closed

呢間係旺角嘅cafe，成日見唔少人去打卡📷，所以去試吓好唔好味先😆。cafe要先俾錢落order,之後等店員送菜。原隻龍蝦包配薯條 $178成日見人食龍蝦包，今次就叫咗佢🦞🥖。龍蝦包呢面頭上面呢有好多嘅龍蝦肉，食落去都幾彈牙。至於麵包方面，麵包以牛油烘香，特別香口。薯條🍟熱辣辣，份量多，應該用七味粉調味。另外仲會配上沙律，可以清吓熱氣🥗。檸檬牛油北海道帶子燴忌廉芝士意大利飯 $98意大利飯有三大粒帶子，食落嫩滑，煎得幾好😛。另外，意大利飯煮得啱啱好，飯粒粒粒分明，入面仲有啲翠玉瓜粒同車厘茄。Cream cheese 味都幾出，食完個飯都幾飽🤤。芝芝抹茶 (少甜) （+$14跟餐）幾鍾意個芝士奶蓋，佢係同鐡塔牌或者卡夫牌嘅忌廉芝士味道相近😚，而且唔會太稀。至於抹茶沙冰味幾濃郁，叫少甜啱啱好🍵！芝芝芒芒 (少甜) （+$14跟餐)奶蓋一樣，芒果沙冰就唔會話係假甜味🥭。小總結，其實覺得茶聊食物質素幾好，而且環境輕鬆舒適☺️，同幾個friend 嚟吹水都幾好。