BON CHAT CHAT 閑寮

Open Now

Now Closed

早幾日行完 D2 個市集就想係附近搵間 cafe 坐下食下野， 就搵到呢間 Bon Chat Chat 閑寮。到門口俾個竹林石頭小路吸引住，估唔到工商廈入面會有咁喜出望外既格局，一步一步咁踏足在石頭小路上好正，配埋日落燈好岩打卡。好好彩岩岩有枱 tatami 走左，所以可以坐到 tatami 位。好和風的感覺! 可能我地唔算太忙時間去所以有吧，正!我同個 friend 叫左個帶子伴蟹籽忌廉汁扁意粉，賣相好靚，食落好 creamy. 帶子表面有炙燒感覺，好食! 跟住食左個焦糖流心蛋糕，迷你版黎，但係味道唔錯，唔算太甜，所以OK!叫咗兩杯嘢飲，「當咖啡遇上蛋」要自己DIY，將一隻生雞蛋倒入 espresso，店長話攪勻之後就會令個啡更加Creamy，然後加入龍井茶更添茶香，配搭幾特別，令我諗起之前去台灣都有中式茶 + 咖啡嘅飲法。仲叫咗杯茶飲，「花前月下」係冷泡龍井茶為底，飲落去酸酸甜甜，個青檸味幾出，好好飲! 我地比較晏先去，食完野都接近入黑時間，5點幾6點冇左陽光射入黎影相會爭咁啲。下次考慮早啲去。店長話正在籌備開埋出邊露台，仲話裝修會更加有心思，咁我更加會有再來嘅衝動。