Video
Read full review
2022-06-14
34 views
自從睇完大叔的愛，我就一直好想逐一搵晒所有拍攝場景🎬，其中一站係一眾主角成日到訪嘅酒吧。經云云小編介紹之下，不難得悉目的地係位於尖沙咀嘅「Time Park Lounge」。店舖門口有啲隱蔽，因為得個入口同門牌，不過行落樓梯後就發現另一世界🌟。呢度面積比想像中大，一到步就見到畫上歐洲火車站嘅牆畫，回憶返晒嚟。原來行入去都仲有唔少座位，裝飾品有火爐同樹木等，感覺自然休閑，又啱打卡📸。餐廳設有晚市套餐，套餐包五道菜，主菜共五款選擇，價錢由$228至$468不等，幾吸引😛。由於我同朋友Share食，所以就嗌咗一份晚餐再散叫。燒西班牙黑毛豬鞍(8oz)($298/晚餐)，🐷豬鞍扒相當出色，無論件扒本身定烹調方法都好有水準。餐廳選用由西班牙豬肉廠Elpozo所養殖的橄欖豬，肉身色澤明亮，無豬騷味。🥩豬鞍扒有一定厚度，再加上邊邊位有少量肥膏，經燒香後達到脆邊肉嫩嘅效果，口感一流。伴菜有翠玉瓜同薯角，味道唔錯，如果有多啲就好喇。最後，🍏綠色嘅醬汁好特別，除咗青蘋果味之外，我仲覺得有啲啤酒麥味，不過店員否認，哈哈。香蒜辣椒炒蝦球扁意粉($168)，呢個係單點主食🍝，意粉用蒜頭同辣椒炒香，即使無落醬汁，
自從睇完大叔的愛，我就一直好想逐一搵晒所有拍攝場景🎬，其中一站係一眾主角成日到訪嘅酒吧。經云云小編介紹之下，不難得悉目的地係位於尖沙咀嘅「Time Park Lounge」。
店舖門口有啲隱蔽，因為得個入口同門牌，不過行落樓梯後就發現另一世界🌟。呢度面積比想像中大，一到步就見到畫上歐洲火車站嘅牆畫，回憶返晒嚟。原來行入去都仲有唔少座位，裝飾品有火爐同樹木等，感覺自然休閑，又啱打卡📸。
餐廳設有晚市套餐，套餐包五道菜，主菜共五款選擇，價錢由$228至$468不等，幾吸引😛。由於我同朋友Share食，所以就嗌咗一份晚餐再散叫。
燒西班牙黑毛豬鞍
$298
3 views
0 likes
0 comments
燒西班牙黑毛豬鞍(8oz)($298/晚餐)，🐷豬鞍扒相當出色，無論件扒本身定烹調方法都好有水準。餐廳選用由西班牙豬肉廠Elpozo所養殖的橄欖豬，肉身色澤明亮，無豬騷味。🥩豬鞍扒有一定厚度，再加上邊邊位有少量肥膏，經燒香後達到脆邊肉嫩嘅效果，口感一流。伴菜有翠玉瓜同薯角，味道唔錯，如果有多啲就好喇。最後，🍏綠色嘅醬汁好特別，除咗青蘋果味之外，我仲覺得有啲啤酒麥味，不過店員否認，哈哈。
香蒜辣椒炒蝦球扁意粉
$168
1 views
0 likes
0 comments
香蒜辣椒炒蝦球扁意粉($168)，呢個係單點主食🍝，意粉用蒜頭同辣椒炒香，即使無落醬汁，但夠晒油份，所以一啲都唔乾身；而麵條質感就富嚼勁。🦐鮮蝦有五大隻，鮮味十足，口感爽彈，好好食。唯一挑剔嘅地方就係意粉份量偏少。
前菜部份放埋落同一隻碟送上，🥗是日沙律幾開胃，沙律菜新鮮，而且醋汁甜甜哋，唔太酸。
跟餐小食三選一，三樣都係海鮮類🦀，其中呑拿魚嗰款轉咗做磯煮鮑魚。鮑魚幾大隻，口感彈牙兼且唔韌，調味帶少少甜，幾惹味。
廚師精選餐湯係蕃茄忌廉湯🍅，杯仔細細好得意。湯品熱辣辣送上，實屬關鍵所在。蕃茄味濃郁，酸味恰到好處，飲落覺得應該唔係用茄膏開。
是日精選甜品係牛奶芝士蛋糕🥛，雖然係一口Size，但估唔到味道都幾濃，質感軟身，唔係好厚實嗰種。另外可加$38轉餐牌上嘅甜品。
飲品方面，我哋嗌咗一壺🍑蜜桃茶Peach Tea($128)，味道清香，香而不甜，飲完好舒服。不過過咗Happy Hour，價錢就稍貴🙈。
總括嚟講，呢間打卡酒吧餐廳嘅食物唔失禮，整體定價合理。我留意到佢午餐只賣$58🍽，好抵食，有機會過嚟食晏先。餐境環境唔單止靚，衛生情況亦好好，開初我驚佢開喺地牢會有噏味，但佢完全無之餘，仲好乾淨，可以放心👍。
Post
