焰 炭燒專門店 (Closed)

5月好似不停請人食飯,今次就去左呢間於銅鑼灣嘅｢HOMURA焰 炭燒專門店｣一入到去真係周圍都係｢火｣,但放心佢地枱面上個｢火｣好安全的!餐廳晚市分別有兩款炭燒Omakase套餐,今次就揀左十道菜嘅Dinner Set B🥰值得一提佢地係使用岩手和牛,岩手和牛油脂分布極佳且帶有濃郁香味,牛魔王真係唔可以錯過!先黎兩杯飲品🌿日替精選前菜三品前菜共有三款,分別有香甜嘅甘薯,味道濃厚嘅鮟鱇魚肝,最後有口感幼滑嘅蟹膏豆腐,三款賣相都非常精緻,作為前菜完全不失霸氣🌿季節刺身三點用最中餅皮盛上牡丹蝦､拖羅蓉及海膽,配上金箔和魚子點綴,食材用料新鮮🌿煎帆立貝配冷壓魚子煎過嘅帆立貝香味十足,最特別嘅係帆立貝下方係一個魚缸,入面仲有條金魚🐠可以等你邊食邊欣賞🌿鵝肝茶碗蒸有別於傳統嘅茶碗蒸,將蛋白化為泡沫嘅質感,內裡配有一塊煎香嘅鵝肝,做法和口感都非常特別🌿黑毛和牛刺身配熱情果黑醋和牛刺身嫩滑,配上醬汁味道酸甜,加上新鮮沙律菜,係令人十分開胃嘅一道菜色🌿炭薰牛舌芯做法令人難忘,師傅首先會將牛舌炭燒,最後喺上菜前會直接將炭放上牛舌上,再輕輕焗20秒,既可加強炭燒風味,亦可增添視覺效果🌿A5黑毛和牛酒香壽喜燒