走過十萬八千里找到你

Open Now

Now Closed

一入餐廳就會比個掛滿一束束乾花既天花板吸引住，乾花顏色配襯得好靚，另外仲有一幅牆畫左特色壁畫，紫紅色天空配摩天輪，加上大圓燈泡既夕陽十分美麗，今次有幸被安排坐呢個最靚既打咭位。同朋友每人叫左一個主菜， 一個係日式壽喜燒牛肉配溫泉蛋茶漬意大利飯，食前將香濃茶漬倒入飯中拌勻，更加帶出意大利飯飯香，加上拌勻的既溫泉蛋，令整個飯味道提升，入口更滑。另一個主菜係意大煙肉咸蛋黃貓耳朵，呢個菜既精髓係個咸蛋黃醬汁，令到你每一口貓耳朵都食到咸香既咸蛋黃味，唔會太濃或太咸，味道剛剛好。每人加$45就有餐湯同餐飽。黎呢道另外必點既係飲品，真係靚到唔捨得飲。