Video
Read full review
2014-07-04
853 views
今日見到Open Rice介紹係荃灣柴灣角街熟食市場開左間新嘅大排檔, 嚫今日假期就一於去體驗一下呢個比較冷門嘅地點. 聽朋友講呢個熟食市場嘅野好抵食, 不過環境並不是太理想,呢度主要做附近工業區嘅生意.呢間大排檔位於熟食市場最開揚嘅位置, 它最接近馬路(海盛路), 亦即係最接近麗城花園海濱(海興路: 連接荃灣西鐵站). 用Google map 都容易搵到. 不過由荃灣西鐵站徒步需時20分鐘, 最方便就係荃灣地鐵站乘坐入麗城花園嘅綠色小巴.雖然今日有成攝氏33度, 但係佢地嘅強力冷風機及風扇營造左好似坐係海灘嘅感覺, 不過真係太大風啦, 搞到我成個頭亂哂.雖然叫大車特色小食, 但食物種類都只係平時係茶餐廳見到果D. 叫左個香煎豬扒飯配青咖哩汁, 熱檸茶雖然賣相不太討好, 不過青咖哩汁送飯都幾開胃, 最特別就係佢地好似用左珍珠米,每粒米都係分開, 唔會痴埋一齊, 唔似一般茶餐廳嘅飯通常都係一pat pat, 豬扒有香茅味, 但有點硬.熱檸茶 - 由於佢地用左塑膠杯, 感覺上有點失色, 餐具其實都好影響我對食物嘅觀感, 不過呢度係大排檔, 不能有太高要求. 而砂糖要好似茄汁咁"支"落杯茶度
呢間大排檔位於熟食市場最開揚嘅位置, 它最接近馬路(海盛路), 亦即係最接近麗城花園海濱(海興路: 連接荃灣西鐵站). 用Google map 都容易搵到. 不過由荃灣西鐵站徒步需時20分鐘, 最方便就係荃灣地鐵站乘坐入麗城花園嘅綠色小巴.
雖然今日有成攝氏33度, 但係佢地嘅強力冷風機及風扇營造左好似坐係海灘嘅感覺, 不過真係太大風啦, 搞到我成個頭亂哂.
雖然叫大車特色小食, 但食物種類都只係平時係茶餐廳見到果D. 叫左個香煎豬扒飯配青咖哩汁, 熱檸茶雖然賣相不太討好, 不過青咖哩汁送飯都幾開胃, 最特別就係佢地好似用左珍珠米,每粒米都係分開, 唔會痴埋一齊, 唔似一般茶餐廳嘅飯通常都係一pat pat, 豬扒有香茅味, 但有點硬.
熱檸茶 - 由於佢地用左塑膠杯, 感覺上有點失色, 餐具其實都好影響我對食物嘅觀感, 不過呢度係大排檔, 不能有太高要求. 而砂糖要好似茄汁咁"支"落杯茶度, 有點奇怪.
坦白講, 特色食品欠奉, 不過係度和朋友傾計, 都幾舒服, 而且仲有露天嘅部份比吸煙人仕, 相比起其他熟食檔, 呢度就真係幾通風, 若然附近嘅打工仔心情唔好, 又或者遇上工作上嘅唔如意, 係度抖下氣, 吹下風都係唔錯嘅選擇.
Other Info. :
由於呢度太大風, 長髮人仕記得束起頭髮, 避免整亂成個頭
另外,問過呢度嘅侍應, 佢地只係開早市及午市, 通常工業區都唔做晚市
(The above review is the personal opinion of a user which does not represent OpenRice's point of view.)
Post
