榮記粉麵

Open Now

Now Closed

收工想去誠品打書釘,餓餓地係時候要醫肚,出街食野多數以米飯為主,以粉麵作晚餐既次數可謂極少。經開銅鑼灣既朋友都知道,榮記粉麵都已經係人氣小店,當午飯和晚飯時侯,食客多的是;難得當日下午6點幾人流唔多。是日晚餐兩餸麵( $31 ),蘿蔔牛腩,油麵牛腩炆得好腍,食落唔嚡口。蘿蔔索哂湯既精華,而且清甜冇渣；油麵底食落夠彈牙,平時坊間的油麵會煮得太淋,引致欠缺質感。外出吃飯,蔬菜當然不可少,點了一碗腐乳通菜( $17 ),腐乳帶點辣,通菜翠綠帶爽口。食完兩樣野埋單都係$48 ,銅鑼灣已經算係好抵架啦；時間晚上7時多,人頭湧湧,食客慢慢增多,打書釘的時間到了。