Video
Read full review
2012-04-26
23 views
第一次寫食評，平時食完都唔會寫，今次真係食到間特色又好味既餐廳想俾個鼓勵佢地！印度菜最出名既咖哩就食得多，尼泊爾菜大家有冇試過？團購 $118一位包加一，而且仲要任食兩個半鐘，連男友都話想試下，所以決定去試試特色既野食啦！早兩日打去book，聽電話既係尼泊爾人，佢講英文，我講中文，好好笑！之後佢聽到個book字就比左老闆娘聽電話，可能因為book個日星期日，老闆娘話要轉頭confirm客人再覆我有冇位，個日好快就豉我有位，而且星期日下晝仲打多次黎確認，服務好好！Noble Spice位於中環，因為好少去中環所以都搵左陣，樓上舖位，入口好細，而且電梯仲要岩岩整，包住膠紙，搭電梯個時心諗：死啦，會唔會中雷野呢？但一上到去就另一番風味！一開電梯就係一個好特別既招牌一推門就見到好多特色既香料粉，關上門之後背面就係異國風情既壁畫入面其實大約得三十幾個位，唔怪得老闆娘要遂個confirm啦！入面個氣氛都好好，吧台亦見得出佢地悉心設計過，真係好似去左外國既酒吧一樣！台上有蠟燭，等櫻花可以同男友燭光晚餐，其實每一台都有架，哈哈！上面亦有一張卡，一紙兩面包括特色飲品一杯及任食印度烤餅櫻花同男友分別要左芒
今次真係食到間特色又好味既餐廳想俾個鼓勵佢地！
印度菜最出名既咖哩就食得多，尼泊爾菜大家有冇試過？
團購 $118一位包加一，而且仲要任食兩個半鐘，
連男友都話想試下，所以決定去試試特色既野食啦！
早兩日打去book，聽電話既係尼泊爾人，
佢講英文，我講中文，好好笑！
之後佢聽到個book字就比左老闆娘聽電話，
可能因為book個日星期日，老闆娘話要轉頭confirm客人再覆我有冇位，
個日好快就豉我有位，而且星期日下晝仲打多次黎確認，
服務好好！
Noble Spice位於中環，因為好少去中環所以都搵左陣，
樓上舖位，入口好細，而且電梯仲要岩岩整，包住膠紙，
搭電梯個時心諗：死啦，會唔會中雷野呢？
但一上到去就另一番風味！
一開電梯就係一個好特別既招牌
一推門就見到好多特色既香料粉，關上門之後背面就係異國風情既壁畫入面其實大約得三十幾個位，唔怪得老闆娘要遂個confirm啦！
入面個氣氛都好好，吧台亦見得出佢地悉心設計過，
真係好似去左外國既酒吧一樣！
台上有蠟燭，等櫻花可以同男友燭光晚餐，其實每一台都有架，哈哈！
上面亦有一張卡，一紙兩面包括特色飲品一杯及任食印度烤餅
櫻花同男友分別要左芒果酸奶同草莓酸奶，
烤餅亦有三種原味/ 牛油/ 蒜蓉烤餅，
最後我地要左蒜蓉烤餅，
飲品為老闆娘親自係吧台調制，好好味！
自助地方雖小，但食物種類都好多，而且老闆娘定時會望下淨幾多，refill 速度好快，
唔驚冇野食或食物唔新鮮！
首先到達既係蒜蓉烤餅，剛剛整起既烤餅唔乾唔硬，沾上咖哩汁，正！
之後櫻花男友拎左餐湯，忌廉雜菜胡椒湯，胡椒味濃但不搶忌廉味既風頭，
男友一共飲左兩碗！
櫻花每樣拎少少試試味道，始終咖哩味就食得多，其他既真係未食過，好驚唔岩口味，
左至右、上至下介紹：
印度燴黃豆、瑪莎菈黃豆 、辣味薯仔、免治羊肉咖哩
印式炒蛋、腰果咖哩雞
必食之選↓
辣味薯仔：小小辣又唔硬，私心推介！
免治羊肉咖哩：羊肉好嫩又唔羶，咖哩唔會好重但香料十足
腰果咖哩雞：雞好嫩，入口唔會有雪藏味，咖哩比羊肉既濃，用黎沾烤餅一流！
左至右、上至下介紹：印式炒通菜、雜菜餅、炸魚塊、春卷
炸魚餅、串燒雞件
必食之選↓
印式炒通菜：味道適中，而且食得出好新鮮
炸魚塊：雖然係炸，但粉團唔多，一咬啖啖肉，最重要唔似m記魚柳包既魚柳咁假
食得到一舊舊既魚柳肉同好滑，私心推介！
串燒雞件：串燒香之餘唔會乾爭爭，而且仲有好香既香草味！
廁所雖小，但勝在夠乾淨，而且入面仲有香氛燭台令你如廁都順暢 d 呀，哈哈！老闆娘都好好人，走時仲問我地野食好唔好，
$118 任食兩個鐘，野食仲要好有特色同好味，
真係值得一試！而且聽到老闆娘話個優惠做到五月尾架！
有興趣不妨預約試下啦！
Post
