圃鍋 (Closed)

今日朋友約咗我嚟灣仔新開嘅打邊爐鋪，本來都唔知咩料子。哇點知原來間餐廳咁靚嘅？裝修好有中式氣氛喎！一開𨋢就見到大大個魚缸。原來部𨋢係咁，好有特色。八掛地周圍看看，原來房裡面嘅裝修都十分豪華，仲有卡啦OK喎，包場一流！鍋物醬料 ($10/位)。因為我唔食辣，所以嗌咗個鴛鴦麻辣豬骨鍋 ($168)。當然我淨係食豬骨嗰邊喇，清甜有香濃嘅豬骨味。裡面仲有我最鍾意食嘅白蘿蔔，我習慣最尾先食白蘿蔔，因為吸晒成個煲嘅精華好正架！席前生果 ($15) 首先嚟啲新鮮水果清下條脷準備食高質晚餐～半份精選牛肉拼盤 ($368) 打邊爐點可以唔嗌牛肉呢？呢個牛肉拼盤夠晒大卡士，合集手切本地牛頸脊、頂級本地牛頸脊、本地牛𦟌同澳洲和牛粒。牛味超重，一食就知係貴嘢。我覺得最好食係牛頸脊，真係有入口即溶嘅感覺。牛𦟌記住唔好煮太耐，會韌。菇菌拼盤 ($98)清腸胃好幫手，啲菇大大粒口感十足！脆肉鯇 ($68)朋友係魚控，所以一定要嗌魚。脆肉鯇好厚肉，又鮮甜，仲要無骨，超正！珍寶手打墨魚丸 ($78)手打真係零舍唔同。墨魚丸好大粒，又彈牙。仲食到墨魚粒，夠晒真材實料 黑腐竹 ($38) 黑腐竹？真係未食過喎。腐竹用黑豆製