Video
Read full review
2018-07-23
181 views
會食呢間係因為有朋友介紹話又有靚景，啲野又好食，果然！27樓加高樓底，一排落地玻璃，望出銅鑼灣既五光十色，剩係個景都好正！________________________🔹滋養花膠碧綠豆腐鍋(豆腐自制) $288未飲已經聞到好香好香既老火雞湯味。熄火幾秒影無滾已經有一層膜係面，個湯膠質應該幾重下。.個湯一定先試幾啖，如果唔係，一開始打邊爐，店員就會加啲豬骨湯落去，之後個味就唔同晒㗎啦。.另外佢地自制既碧綠豆腐相當有特色，有少少似蒸水蛋既口感同味道.🔹頂級蒙古涮羊片 $78唔會有羶味，肉身幾嫩，望上去有少少脂肪位，但一啲都唔肥，反而幾爽口。.鋪底既萵筍絲都記得唔好放過，淥完都幾爽口，好好味.🔹四合丸 $88四合丸並唔係四粒唔同既丸，而係每粒丸都由四種肉混合而成，分別係：墨魚, 蝦, 豬肉, 金腿茸.質地比墨魚丸軟一點，但咬落去之後啲肉香味久而不散。.🔹騸牯三寶 $688🐮牛頭脊呢個部位比較珍貴，整盤只有兩件，比較有咬感，一食唔覺好重牛味，以為伏左，食完啲牛味先慢慢走出黎。.🐮邊爪三種之中肉質最淋身，但又無肥牛咁淋，都幾有咬感，牛味亦比較出。.🐮挽手肉兩邊都連住1條肥膏，但食落去一啲都唔肥
會食呢間係因為有朋友介紹話又有靚景，啲野又好食，果然！27樓加高樓底，一排落地玻璃，望出銅鑼灣既五光十色，剩係個景都好正！
________________________
🔹滋養花膠碧綠豆腐鍋(豆腐自制) $288
未飲已經聞到好香好香既老火雞湯味。熄火幾秒影無滾已經有一層膜係面，個湯膠質應該幾重下。
.
個湯一定先試幾啖，如果唔係，一開始打邊爐，店員就會加啲豬骨湯落去，之後個味就唔同晒㗎啦。
.
另外佢地自制既碧綠豆腐相當有特色，有少少似蒸水蛋既口感同味道
.
🔹頂級蒙古涮羊片 $78
唔會有羶味，肉身幾嫩，望上去有少少脂肪位，但一啲都唔肥，反而幾爽口。
.
鋪底既萵筍絲都記得唔好放過，淥完都幾爽口，好好味
.
🔹四合丸 $88
四合丸並唔係四粒唔同既丸，而係每粒丸都由四種肉混合而成，分別係：墨魚, 蝦, 豬肉, 金腿茸
.
質地比墨魚丸軟一點，但咬落去之後啲肉香味久而不散。
.
🔹騸牯三寶 $688
🐮牛頭脊
呢個部位比較珍貴，整盤只有兩件，比較有咬感，一食唔覺好重牛味，以為伏左，食完啲牛味先慢慢走出黎。
.
🐮邊爪
三種之中肉質最淋身，但又無肥牛咁淋，都幾有咬感，牛味亦比較出。
.
🐮挽手
肉兩邊都連住1條肥膏，但食落去一啲都唔肥膩，油脂味只會淡淡連住啲肉味出黎，相當輕怡。
.
🔹日本廣島蠔 $68
都幾大隻下，又幾鮮味，店員會另外畀一個網筒，唔怕淥淥下唔知去左邊
.
🔹白鱔片
雖然已經切得好薄，但都幾多細骨，魚味唔係特別出，個人覺得普通
Post
