阿來客棧雞煲火鍋 (Closed)

突然好想打邊爐，即刻捉個friend陪我食，咁今次就揀咗食呢間雞煲火鍋，因為見到menu有好多嘢揀，而且都唔算太貴。因為得兩個人，所以唔敢叫太多嘢食，但結果都係勁飽，明明睇落份量好似唔多🤣飄香沙爹鍋 $128沙爹味好香濃，但又唔會太鹹，呢個湯底好食到根本唔需要蘸醬都已經好好食，最鍾意湯底跟埋油炸鬼同腐竹，油炸鬼吸哂沙爹湯好正👍🏻手打四寶丸 $52蝦丸同墨魚丸都好爽好彈牙，牛肉丸同豬肉丸正常發揮。鮮蝦滑 $56蝦滑比蝦丸更好食，係沙爹湯滾咗好耐都有好濃的蝦味，又夠彈牙，成枱最欣賞呢碟蝦膠😍即包鮮蝦雲吞 $48雲吞都幾大粒，仲食到大大粒的原粒蝦仁🍤，唔錯😆阿來牛肉卷 $68賣相都幾別緻，一開始以為卷住的係蔥，但原來係芹菜同芫茜，牛肉係好食嘅，但芹菜唔係我杯茶。蜂巢豆腐 $25 & 鮮腐竹 $24為咗吸沙爹湯底點的食材，食材質素都OK，正常發揮。翡翠豆苗 & 娃娃菜 各$25唔諗過份量都幾大份，個底仲要壓實哂，兩個人叫一份蔬菜其實都已經好夠。阿來客棧雞煲火鍋 (銅鑼灣)銅鑼灣渣甸街50號渣甸中心25樓*上述文章只供參考及以當時價格為準