半島漁港/阿翁火鍋館

Open Now

Now Closed

話說頌富有2間酒樓都可以任食打邊爐，🐷先生之前偏好另一間，之後佢聽同事講話「半島」性價比都好高，所以拉住我黎試下😚想講價錢都算吸引，單張係寫$268一位，但唔知係咪星期一至五會平d，埋單個陣只係$238一位咋💕如果8月有人生日，仲會有其他優惠添呀👍🏻同埋佢地係無！限！時！一大班人吹水就好正喇~一坐底刺身船就會上，款式雖然唔多，但做到最緊要凍冰冰，之後就到鵝掌鮑魚，鮑魚個頭都唔細，而且煮得非常入味彈牙手切安格斯牛，非常新鮮，紋路清晰，入口食到牛肉既甜味。仲有跟人頭既海鮮盤、鮮蝦雲吞王，當晚海鮮有6款，海蝦、蟶子、大元貝、墨魚、生蠔同龍躉片，相當豐富。仲有D肉類、海鮮直接落單，鍾意佢有新鮮的蝦滑、墨魚滑，手打丸等。肉類除左雪花肥牛，仲有羊肉片、鴕鳥肉、黑豚肉、鮮鵝腸、豬潤等等等等，唔少選擇~各式火鍋蔬菜、丸類的火鍋配料，就在外面的凍櫃，自助取用。最尾，係店員推介下，額外叫咗個芒果布甸，真材實料好味道，為呢餐飯劃上完全美的句號。