上海姥姥

Open Now

Now Closed

打風後第二日星期日9月3號中午，屋企人話出去食晏，咁就揀間就腳ga啦！入到去，拎杯茶水黎，有條雜色狗毛係水面，我心諗最多可以成餐唔飲茶，咁就點左排骨上海麵加雲吞，素鵝，濕濕地補返。一開始黎左兩粒雲吞，其中一粒有膠片，我已經覺得好火，但係fine，我見過出面其他餐廳有鐵絲，我忍，大粒膠片食唔死人。之後第二碟黎素鵝，我咬幾啖，發現唔對路，仲鹹過臘腸，之後只好吐返出黎，好似醃製多兩日嘅食材都照比人食咁，好彩退得到。最後黎個排骨麵，真心要打大佬咁，鹹到真係醃過火，塊豬扒醃到入面乾到冇汁，仲要又鹹到差d金華火腿咁，我放入湯度浸10幾分鐘，為左環保先頂硬上，三行硬漢子挨飯盒趕開工咁，如果唔係星期日政府機構唔開，一早打消費者權益委會電話告呢間餐廳！比地獄還地獄嘅地方。