Twinkle Baker Decor (Closed)

識我的朋友也知道我鍾意食甜品, 所以發現甜品的新情報也會話我知. 較早前從友人口中得知Twinkle Baker Décor推出了扮清糕茶餐廳系列的cupcake, 終於有機會買來試下. 我當然要去睇下. 這系列一共有八款口味, 我選擇了其中幾款試下. 返到屋企, 急不及待打開來睇睇. 每一款的Cupcake造型都好可愛, 外型全部是縮細版, 好得意, 不論大人或小朋友見到也會好開心. 當中最吸引我的是咸檸七, 或許是我自己鍾意飲吧. 忌廉尚算幼滑, 味道帶有小許的咸咸地, 幾特別. 而蛋糕質感軟硬適中, 最驚喜是蛋糕中間有饀料. 紅豆冰. 忌廉面放了紅豆粒, 食的時候多了一份口感. 我鍾意蛋糕中間放了紅豆蓉, 好配合紅豆冰的主題. 奶醬多. 忌廉面放了多士粒, 可能我不是即時食, 多士粒已經不脆身. 食的時候帶有微微的煉奶味道, 而這款是沒有饀料.