奇興咖啡餅店

Open Now

Now Closed

今日十分肚餓，本身好想試呢間餐廳的出爐蛋撻，就想坐低食完正餐再嘆番一個蛋撻先，一見到炸雞皮會意粉，諗住應該實食冇痴牙啦，點知真係經典，首先見到隻雞髀，明明話炸雞髀，個屁係林嘅，個樣就像滷水及半煎的狀態，重要一邊食要一邊揀一些乾透及超硬嘅意粉，好像吉魚蛋的竹籤一樣，於是我同個侍應講，可否更換一碟意粉，佢以為我嫌佢意粉硬，佢反而叫廚房煮「林」啲，其實唔係我唔夠牙力，而係佢嗰啲意粉基本上係烘到乾晒。真係未食過一間茶餐廳啲意粉仲差過連鎖快餐店。