船長意法日餐廳 (Closed)

琴晚放左工，翻到元朗同老婆去千色買野。買完搵地方食飯，就見到眼前出現左一間船長餐廳。咁就入去試吓啦。入到去煙霧瀰漫，原來佢係一間打邊爐放題嘅餐廳嚟嘅。不過今晚就唔係打邊爐嘅心情，所以就叫左佢哋嘅小菜晚市套餐食。佢個晚市套餐都幾抵食，二人餐，兩個餸，有飯有嘢飲。咁我哋就叫咗條豉汁蒸倉魚，同生炒骨試吓啦。等左冇幾耐啲嘢食就上枱啦。條魚啖啖肉，配埋豉汁食真係幾唔錯嘅。至於生炒骨，其實有啲似咕嚕肉，色水都唔錯，味道都幾好。兩個餸加埋碗飯，食完就啱啱好。下次如果有機會再嚟，都想試吓去過打邊爐放題。因為見到佢哋個食物枱，好似好多款式，價錢都幾合理，好似幾過癮咁。