Video
Read full review
2018-03-26
188 views
見過youtuber介紹過呢間粥底火鍋，而我又未食過用粥黎做湯底打邊爐，價錢又吸引，於是特登過去荃灣一試。午市放題係由12點至五點都有得食，最平係98一位免加一，仲有啲貴少少都只係個粥底落蟹or多啲其他野咁，不過假日去要全部都要加多20蚊一位。不過我對海鮮興趣不大，所以叫左最平98果個，姐係埋單118一位。點單每張紙只能點五種，有點不環保，不過佢就make sure 到冇漏單，食物種類都算多，質素都ok，啲豬頸仲特登整個玫瑰花形幾靚，牛肉有滑牛同美國肥牛，滑牛更好味，同粥底更相襯，似反食牛肉粥咁，皮蛋就唔太ok，啲豬腰都好爽，豬潤食正果幾舊都有筋，唔鐘意，海鮮就叫左啲貝貝同象拔蚌，唔係話勁新鮮，不過咁嘅價錢食的話就會係接受到嘅質素，手打丸同餃子不過不失啦。不過我好欣賞佢啲炸物都係即叫即炸，例如紫菜響玲，油炸鬼，炸鮮奶，同佢個順德春花卷。炸鮮奶係必食我叫左好多件春花卷係老闆推薦，我地一人叫左件，可能因為我本來對韮菜冇咩興趣，所以我覺得麻麻地啦。響玲卷都好脆，不過油炸鬼就唔得啦，好大油“益“味，同埋唔似平時粥舖果啲鬆軟，所以不推薦。甜品我全部都有叫，椰汁桂花糕，燉蛋同薑汁撞奶都叫左，啲燉蛋
午市放題係由12點至五點都有得食，最平係98一位免加一，仲有啲貴少少都只係個粥底落蟹or多啲其他野咁，不過假日去要全部都要加多20蚊一位。不過我對海鮮興趣不大，所以叫左最平98果個，姐係埋單118一位。
點單每張紙只能點五種，有點不環保，不過佢就make sure 到冇漏單，食物種類都算多，質素都ok，啲豬頸仲特登整個玫瑰花形幾靚，牛肉有滑牛同美國肥牛，滑牛更好味，同粥底更相襯，似反食牛肉粥咁，皮蛋就唔太ok，啲豬腰都好爽，豬潤食正果幾舊都有筋，唔鐘意，海鮮就叫左啲貝貝同象拔蚌，唔係話勁新鮮，不過咁嘅價錢食的話就會係接受到嘅質素，手打丸同餃子不過不失啦。
不過我好欣賞佢啲炸物都係即叫即炸，例如紫菜響玲，油炸鬼，炸鮮奶，同佢個順德春花卷。炸鮮奶係必食我叫左好多件春花卷係老闆推薦，我地一人叫左件，可能因為我本來對韮菜冇咩興趣，所以我覺得麻麻地啦。響玲卷都好脆，不過油炸鬼就唔得啦，好大油“益“味，同埋唔似平時粥舖果啲鬆軟，所以不推薦。
甜品我全部都有叫，椰汁桂花糕，燉蛋同薑汁撞奶都叫左，啲燉蛋同奶都好滑好正，如果有熱食我會更喜愛
食完晒打邊爐之後，當然要食下個粥底，夠哂味大滿足。
老闆同伙記服務態度都好好，老闆仲有推薦食物，雖說限時100分鐘，但都唔會趕你走，非常欣賞。
呢間粥底火鍋值得再黎
P.S. 佢套杯碟好靚，只可惜冇匙羹，話哂都係黎食粥，點解匙羹都冇架
炸鮮奶
11 views
0 likes
0 comments
Post
