新潮發海鮮菜館

Open Now

Now Closed

近排週末大家都好鐘意去離島玩下行下，我今個週末就去左長洲😊去長洲最好就係食下小食，之後食番個海鮮餐。今日經過海旁路揀左一間叫新潮發海鮮菜館食海鮮小菜，都覺得幾抵食，想推薦比大家。佢叫兩個小菜係$188，3個小菜係$278。今日我地兩個人食左＜3個小菜餐＞： 🔸️蒜蓉蒸開邊蝦（8／10）都幾大碟，蒜蓉味好足，啲蝦細細隻但係好甜。 🔸️豉汁蒸倉魚（8.3／10）呢條魚唔錯，幾新鮮，肉質又夠實，豆豉味好出。 🔸️蒜蓉蒸扇貝 （7.8／10）總共有四隻，蒜蓉味又係好出，啲粉絲吸曬啲蒜蓉味好正。扇貝都有鮮味。 另外老闆仲跟左個粟米魚肚羹同埋炒左碟生菜俾我地，配埋白飯成餐就非常滿足飽肚。😊😊 ✏️總括而言，二百幾蚊食到三樣海鮮10分抵。