合興旺茶餐廳

Open Now

Now Closed

今日去朋友屋企, 一場黎到深水埗諗住搵野食. 見呢間舖頭好似好街坊下, 咁就支持下小店啦.點知小店真係冇服務, 慘過食澳牛, 買個常餐33蚊, 我比100, 佢找返64蚊, 找完佢話後面有客，小姐出去啦，我企係度數，話我比100蚊喎, 找小左錢, 點知個老闆娘話腳急急咁走開, 仲要對住我 嘖 左一聲, 叫我出去, 唔好阻住佢做生意. 雖然只係3蚊, 你都冇理由咁樣同客講野啦. 之後我企係出面等，老闆娘仲要啤住我。買完去到食, 全部都係油, 隻雞翼唔知用咩醃, 酸酸宿宿, 食碗麵好似飲羅宋湯咁! 咁就34蚊。啲食評咩好好食好抵食雲雲，態度就係一切啦。希望大家唔好好似我咁貼錢買難受，幫襯間咁野。