Video
Read full review
2021-08-18
2912 views
唔知大家收到第一期電子消費券會點樣用筆錢呢？我就當然係飲飲食食啦！今晚就一於同朋友「投奔越海」，嚟銅鑼灣呢間越南餐廳「Fûhn」來個二人飯聚。知道餐廳一向係間人龍店，晚市非常旺場，所以特意揀了 6:15pm 前到達，果然毋須排隊輪候，而且仲可以隨意揀位，環境舒服自在。餐牌上的食物，選項都幾多，除咗主打的湯粉同撈檬之外，仲有飯類、特色菜、法包、米紙卷、沙律、拼盤、小食、甜品、咖啡、飲品、啤酒及兒童套餐等。先嚟兩款小食：鹹蛋黃薯條 ($35) 同 鹹蛋黃雞翼 ($68)。薯條新鮮炸起，熱辣辣、香噴噴，每條都沾滿了鹹蛋黃漿，咬下鹹香脆口，邪惡又美味，真係一食就停唔到口。炸過嘅雞翼，水準亦唔錯，大隻得嚟又有肉地，食落外層薄脆，中間仍然保持嫩滑 Juicy，入口帶陣陣鹹蛋黃的鹹香，香口又惹味。 食完兩款炸物，仍有點意猶未盡，再嚟多客香烤芝士蝦餅法包 ($128)，法包烘得非常香口，邊位又薄又脆，中心軟熟，一咬即斷又唔刮口。而且最抵讚就係超級足料，面頭鋪咗層厚厚嘅蝦膠和拉絲芝士， 加上鹹香嘅肉鬆作點綴，口感好豐富。主食點咗客越式扎肉拌金邊粉+太陽蛋 ($78)，面頭嘅煎蛋非常煞食，好似如日中天嘅太
唔知大家收到第一期電子消費券會點樣用筆錢呢？我就當然係飲飲食食啦！今晚就一於同朋友「投奔越海」，嚟銅鑼灣呢間越南餐廳「Fûhn」來個二人飯聚。
知道餐廳一向係間人龍店，晚市非常旺場，所以特意揀了 6:15pm 前到達，果然毋須排隊輪候，而且仲可以隨意揀位，環境舒服自在。
餐牌上的食物，選項都幾多，除咗主打的湯粉同撈檬之外，仲有飯類、特色菜、法包、米紙卷、沙律、拼盤、小食、甜品、咖啡、飲品、啤酒及兒童套餐等。
先嚟兩款小食：鹹蛋黃薯條 ($35) 同 鹹蛋黃雞翼 ($68)。薯條新鮮炸起，熱辣辣、香噴噴，每條都沾滿了鹹蛋黃漿，咬下鹹香脆口，邪惡又美味，真係一食就停唔到口。
炸過嘅雞翼，水準亦唔錯，大隻得嚟又有肉地，食落外層薄脆，中間仍然保持嫩滑 Juicy，入口帶陣陣鹹蛋黃的鹹香，香口又惹味。 
食完兩款炸物，仍有點意猶未盡，再嚟多客香烤芝士蝦餅法包 ($128)，法包烘得非常香口，邊位又薄又脆，中心軟熟，一咬即斷又唔刮口。而且最抵讚就係超級足料，面頭鋪咗層厚厚嘅蝦膠和拉絲芝士， 加上鹹香嘅肉鬆作點綴，口感好豐富。
主食點咗客越式扎肉拌金邊粉+太陽蛋 ($78)，面頭嘅煎蛋非常煞食，好似如日中天嘅太陽，嬌豔欲滴。
金邊粉幼細爽滑，入口米香十足，條條分明又唔黏口。扎肉質感比平常買到的爽脆，肉味濃郁富嚼頭。將微微酸辣嘅金邊粉撈埋隻蛋黃一齊食，口感更加幼滑，入口啖啖蛋香。
見好多人推介呢款冰磚鮮奶咖啡 ($48)，又即管點嚟試下。鮮奶咖啡加入咗咖啡冰磚，讓咖啡保持適當嘅濃度，所以唔會越飲越淡，加上冰磚望落去似巨形嘅珍珠，造型蠻特別，好喝之餘還有一點視覺的享受。Post
