Video
Read full review
2024-05-22
155 views
週日晚滂沱大雨，想起之前經過這𥚃見有人龍，人氣似乎不俗，就趁今日試佢一試。細閱雙面過膠菜單，款式多得花多眼亂。既然主打越南菜，就來一份「本色」套餐吧！ 主菜是窩蛋火車頭河，再加個手撕雞紙米卷作小食，跟餐飲品就點咗薄荷青檸梳打。另外再單點新鮮椰青1個。店內裝修一般，週日晚上7:00多已滿座，令我對食肆的出品有期待。不消10分鐘已經送出火車頭河。呢度經典湯河最重要係湯底同埋啲新鮮香料。 －試…完全無牛骨香味，再睇吓啲配料，除咗少量新鮮金不換同大量嘅蔥，竟然搵條芽菜都冇！牛肉係港式茶餐廳沙嗲牛肉2.0，牛丸係得咸味，因為無法確定成份兼口感不佳，食咗半粒決定放棄。跟住到小食「手撕雞米紙卷」出埸，賣相ok，份量也足。手撕雞說穿了係將啲白烚雞肉用手撕成幼絲，出餐時再「輕炙」處理，咁食落有陣碳燒香。同樣係米紙卷，喺其他餐廳，一般做法係將雞絲連同其他材料一齊捲起來再切細件，呢度只是將雞絲放面作裝飾。如果以材料份量多寡作準則來命名，呢個應該係「米粉蔬菜米紙卷」。味道一般，主要靠個魚露酸汁去調味。至於飲品並無可挑剔的地方，椰青是即開的新鮮貨；梳打水是原枝泰國梳打水雪凍上。 埋單盛恵$240。 如果食物正常
細閱雙面過膠菜單，款式多得花多眼亂。
既然主打越南菜，就來一份「本色」套餐吧！ 主菜是窩蛋火車頭河，再加個手撕雞紙米卷作小食，跟餐飲品就點咗薄荷青檸梳打。另外再單點新鮮椰青1個。
店內裝修一般，週日晚上7:00多已滿座，令我對食肆的出品有期待。
不消10分鐘已經送出火車頭河。呢度經典湯河最重要係湯底同埋啲新鮮香料。 －試…完全無牛骨香味，再睇吓啲配料，除咗少量新鮮金不換同大量嘅蔥，竟然搵條芽菜都冇！牛肉係港式茶餐廳沙嗲牛肉2.0，牛丸係得咸味，因為無法確定成份兼口感不佳，食咗半粒決定放棄。
跟住到小食「手撕雞米紙卷」出埸，賣相ok，份量也足。手撕雞說穿了係將啲白烚雞肉用手撕成幼絲，出餐時再「輕炙」處理，咁食落有陣碳燒香。
同樣係米紙卷，喺其他餐廳，一般做法係將雞絲連同其他材料一齊捲起來再切細件，呢度只是將雞絲放面作裝飾。
如果以材料份量多寡作準則來命名，呢個應該係「米粉蔬菜米紙卷」。味道一般，主要靠個魚露酸汁去調味。
至於飲品並無可挑剔的地方，椰青是即開的新鮮貨；梳打水是原枝泰國梳打水雪凍上。
埋單盛恵$240。 如果食物正常發揮，呢一餐絕對值得。可惜出品強差人意。菜式虛有其名但毫不可口。除咗飲品係合格之外，但唔通真係為咗飲嘢而再嚟？！
Post