Master Kama (Closed)

最近嘅社交網絡都給Master Kama洗版, 今次真係要親自黎見一見盧山真面目; 位於商業大廈樓上鋪, 的確唔容易找得到, 走進餐廳,裝潢簡單精緻, 四四方方環境挺闊落, 時間尚早人客唔多, 安排坐係梳化位, 餐點選擇蠻多的, 又日又西, 除了必點龍蝦匯, 還加了白酒忌廉藍青口及龍蝦玉子燒, 首先唔講味道, 三樣菜色賣相已經夠晒華麗, 擺盤同配菜都係一絲不苟; 龍蝦匯名副其實匯集咗3個食法, 有龍蝦包, 蒜蓉焗半邊龍蝦, 還有龍蝦湯底石頭鍋海鮮烏冬; 包包脆身, 淋上檸檬牛油汁, 配上滿滿嘅龍蝦肉, 中間夾雜火箭菜更令整個味道提升多一個層次; 蒜蓉份量剛剛好沒有蓋過龍蝦嘅鮮味, 蝦肉爽口彈牙還帶丁點海水味; 藍青口肉質細嫩, 忌廉汁散發淡淡酒香; 最後玉子燒跟龍蝦肉更加係意想不到嘅夾, 喜歡甜蛋嘅我忍唔住來多客, 膽固醇再高都要食埋佢！這裡價錢雖說不上超值, 但以質量計絕對係有交代