Video
Read full review
2008-11-29
18 views
雖然我住得同中國染廠大廈好近好近，不過，之前的飯廳總係冇緣去食過，可能成間野的格局令我冇果種「一定要去試」的火，同埋爭緊d機緣巧合。(唓，講到尾同佢時辰八字唔夾咪得囉長氣！)好，轉入正題；是日相約一位在附近上班的舊同事來這裏吃午餐，是她推介的。的確，講環境，這裏很不錯，坐得好舒服，如果約人傾計，甚至係約d business partner o係度面談傾生意都唔失禮。價錢呢？市區一個可以適合傾business的地方，起碼都六七十蚊，呢度呢？最平的set 只係$32, 貴d的，好似四十幾五十掛...(我今日腸胃唔思服，己經一心諗住要個最平最少野食的set，所以冇理到貴d有咩食同幾錢。)。$32的lunch ，有河粉，有個小食，同杯野飲，女人絕對夠食，男仔可能會爭少少，但真係爭少少咁囉， 補充多返杯雪糕應該ok架啦。個味道呢？嗯。我叫左個生牛肉湯河加粉卷的set。其實呢間野的澱粉質食物係ok的，個粉卷的皮，同河粉都好爽滑，好味；個河粉入面的牛肉都幾好味。不過個湯就一般啦，唔多係牛肉味...似係"人工"加多左d牛味入去 (即係, 有d類似雞粉的物體，但係牛味的，我諗佢係落多左呢d)，一來冇左果
好，轉入正題；是日相約一位在附近上班的舊同事來這裏吃午餐，是她推介的。的確，講環境，這裏很不錯，坐得好舒服，如果約人傾計，甚至係約d business partner o係度面談傾生意都唔失禮。
價錢呢？市區一個可以適合傾business的地方，起碼都六七十蚊，呢度呢？最平的set 只係$32, 貴d的，好似四十幾五十掛...(我今日腸胃唔思服，己經一心諗住要個最平最少野食的set，所以冇理到貴d有咩食同幾錢。)。$32的lunch ，有河粉，有個小食，同杯野飲，女人絕對夠食，男仔可能會爭少少，但真係爭少少咁囉， 補充多返杯雪糕應該ok架啦。
個味道呢？嗯。我叫左個生牛肉湯河加粉卷的set。其實呢間野的澱粉質食物係ok的，個粉卷的皮，同河粉都好爽滑，好味；個河粉入面的牛肉都幾好味。不過個湯就一般啦，唔多係牛肉味...似係"人工"加多左d牛味入去 (即係, 有d類似雞粉的物體，但係牛味的，我諗佢係落多左呢d)，一來冇左果種鮮甜，二來偏咸，三來，其實個口俾呢d咁強烈的「牛肉」味衝完後，影響到我食真正果幾片牛肉的 -- 好彩，飲湯之前食左塊，試到個「真味」嘿。
同埋，唔知係片生牛肉太凍定點，個湯，雖然可以整得熟片牛，但偏凍左少少，唔夠熱；仲有，呢間野d醋唔夠酸，太淡，唔好味。
總結係：如果你係為左想食好的越南野，呢間野你係唔使黎的，全香港大把越南野食好食過佢；不過，你但求有個地方坐得思服平平地傾下計，d野又唔難食，咁我會覺得呢度真係一個好地方啦！ (lunch 仲唔使加一喎！嘩哈哈哈哈~~~！)
Post