Candy Shake (Closed)

行街行到攰攰地，去登打士果條為食街補充下能量先。成條街都係小食店，其中有間門口堆晒啲芝士撻喺度，一個個漲卜卜好似好好食咁。朋友見到有奶昔都發左光，咁啱啦～入得～睇睇下先發現原來買芝士撻半價買奶昔，咁我就揀左個原味芝士撻試下，朋友揀左金莎奶昔，好似話係招牌奶昔。成個餐咁～芝士撻暖暖地，雖然未算好流心，不過食落好creamy，好幼滑，滑到～～～對唔到焦～味道唔太甜，芝味都算濃郁，配埋香脆嘅餅底，心情指數即刻飆升。至於個金莎奶昔，質地算杰身，似食緊榛子醬沙冰，加埋脆口嘅糖仔，有少少金莎嘅感覺，攤多一攤再飲，可能冰融左，稀左啲又幼滑左～整體奶味唔算重，但唔太甜比較啱港人口味。一路食一路睇下間舖，舖仔細細，擺滿晒糖果。大判燒同炸物都係即場製，坐位唔多，不過可以睇到食物製作過程，係另一種視覺享受～睇下睇下又叫左個芝心墨丸食下，墨丸幾彈牙，炸得好脆，不過芝心比較滯，share食剛好～總結呢間芝味小店，食物幾好，飲品款式平時比較少見，係企得逼左少少，下次再泥會試下烤薯芝士撻同鹽味檸檬糖奶昔～