M Kitchen (Closed)

今日下晝去開荃灣，有Ｄ餓想搵下午茶食，見呢間M Kitchen幾骨子，以綠白色為主調帶出歐陸風的情懷既裝潢，入面地方寬敞又有天然光線，感覺幾悠閒寫意，一於入去試！一坐低檯面早已放上飲用水，而且係檸檬薄荷葉水，好健康！講返野食先，首先叫左個示個蕃茄濃湯配豬扒蛋意粉，塊肉好大塊，肉質唔錯，蕃茄湯好濃好鮮味，食完已經半飽！然後叫左個蟹籽揚州炒飯，呢個有Ｄ失色，好普通唔太特別，又太乾身！好在之後叫呢個炸春卷配薯條，呢個加返分，好脆口好新鮮！野飲方面我地叫左杯凍檸茶同熱菜蜜，正常味道啦！