潮館 (元朗廣場)

Open Now

Now Closed

元朗廣場嘅一間新式酒樓，裝修得好新潮，座位較為闊落，每張檯旁邊仲有一個自動嘅煲水機，確保食客隨時隨地都有熱水沖茶飲，個設計真係好有心思。而且就係用手機自助落單，真係幾科技化。食物質素都唔錯，腸粉、蝦餃、粉果類嘅精點都係皮薄餡靚，蝦餃餡大大粒，用料十足。炸物類就即叫即炸，上到咗熱騰騰而且好脆，雖然感覺上有油膩咗啲，但係都可以接受。佢有一個比較得意嘅冬菇包，成個外型真係好似冬菇咁，餡料係素冬菇餡，菇味香濃鹹鹹地，食落都唔錯。價錢方面都唔貴，各類優惠加埋，每碟飾物大概$20至$25左右，不過茶位就$12一位，略為高，應該係佢部智能熱水機既關係。