HOKO Farm (Closed)

放假悠悠閒閒去嘆個tea，去左鑽石山廣場"HOKO Farm" 之前成日經過見餐牌及環境都好吸引已經好想試，但每次都好多人可能係星期六假期關係啦。今曰working day見冇甘full容易啲搵位, 終於可以試到。餐廳半開放式設計加上一排垂直大玻璃窗，空間感十足又夠晒開陽。2點半去到仍未有tea set, 原來3點先係tea time 。因為太肚餓啦所以唯有叫住先。點左個全日早餐，非常豐富有黑松露炒蛋、什菌、藜麥、薯餅、 沙律菜 、火腿、煙肉、煙三文魚仲有迷理牛角包，簡直係大滿足另點了煙三文魚芝士墨西哥卷伴田園沙律配甜辣汁，甜辣汁味道恰到好處，墨西哥卷餅皮夠晒脆口。等到tea time時間，見佢啲tea set好多款而且價錢相宜都好低食，但因為已經叫左主食，所以只叫個甜品-焦糖香蕉朱古力窩夫伴日本雪糕。下次可以再試其他。