燒烤堂

Open Now

Now Closed

如果你係串燒迷，搵緊一間平靚正又好味嘅串燒店，咁呢度一定啱哂！呢度多款串燒都係好抵食！叫咗經典鹽燒系列：鹽燒原塊雞皮，雞皮燒得好似薯片咁脆，帶有濃濃嘅炭燒香～鹽燒雞中翼燒得皮脆肉嫩，雞汁鎖得剛剛好☺️鹽燒A4宮崎和牛，和牛肉汁豐富，鹽味帶出咗和牛嘅油香～厚切鹽燒牛舌拖羅 、中切鹽燒牛舌芯都好好味😋牛舌燒得啱啱好，厚切嘅拖羅牛舌帶油香，而中切牛舌芯就更加爽口。配埋少少檸檬汁，味道層次更豐富。 有啲創意口味，新鮮感滿分。例如福岡味噌松板豬，味噌味突出。泰式豬頸肉帶有泰式香料，外脆內嫩。麻辣燒鴨舌辣得嚟非常惹味。海鮮叫咗蒜蓉燒生蠔🦪生蠔燒到啱啱熟，保留咗鮮甜多汁嘅口感，蒜蓉調味令蠔味更加突出。浜燒日本活北寄貝，北寄貝肉質鮮甜彈牙，配埋少量鹽調味。椒鹽燒多春魚，魚籽飽滿。仲叫咗啲特色串燒：汁燒煙韌年糕卷，年糕煙韌，特製醬汁帶甜香味。 雞皮墨魚滑，墨魚滑鮮味十足，外層用雞皮包住，燒到金黃香脆，值得一試！ 焦糖青蘋果鵝肝多士，青蘋果嘅酸甜味遇上鵝肝嘅濃郁香滑，正！明太子燒飯團燒得外脆內軟。鹽燒芥蘭頭同鹽燒淮山都係蔬菜類係必點嘅健康之選。