大門橫丁串燒手打烏龍麵店 (厚福街)

Open Now

Now Closed

又嚟到厚福街搵食，次次經過呢間都未入過去食。系旺角成日都想食，但係夜晚經過嗰時都勁多人排隊。今次終於嚟到尖沙咀食佢嘅自選串燒飯！！價錢真係好吸引，只係需要62蚊就有4串串燒配飯跟嘢飲。我揀咗4選串燒丼飯～ 4串串燒下面就係白飯，飯已經被串燒遮蓋分量非常足夠👍🏼本身以為啲白飯會好dry，不過因為有跟個燒汁照燒汁，所以可以不斷有汁撈飯。個飯呢嗰時跟咗隻糖心蛋，令我好驚喜！秋葵好好食好juicy蔥卷牛肉塊牛肉就有啲乾，整體咬得有啲辛苦牛舌就都幾好食👍🏼夠冧同埋好夠厚，多少少味就更好三文魚鰭好香好脆👍🏼好食！叫咗杯蜂蜜綠茶 好難飲～好似飲水，個味好似道地再溝一半水咁。建議大家叫其他嘢飲總結嚟講非常抵食，平時去居酒屋兩串都要呢個價錢，何況佢跟埋個飯。而且選擇非常多目測都有30度40個串燒選項畀你配飯。呢間我絕對會回頭試埋其他串燒！