Video
Read full review
2024-07-05
152 views
#fatchubelly 觀塘📍巴巴串 夏天想B B Q又唔熱熱同落雨，最岩就係去室內自助B B Q場。自助區提供二十多種串燒任取，串燒全部串好一串串，放係齒輪上面就自動燒，唔駛驚燶，涼住冷氣慢慢燒。除咗自轉串燒任食（A餐)之外，仲有安格斯牛任食（B餐)，和牛黑毛豬羊架蟹腳任食（C餐）。今次晚餐我哋叫症美國安格斯牛放題套餐（B餐），有多款高質肉任食，包括安格斯牛板腱、安格斯牛仔骨、安格斯牛粒、安格斯封門柳、皇室無激素豬腩肉、雞泡魚乾同埋鮮甜扇貝，全部都好好食，店長仲送咗一碟和牛俾我哋試食，如果想任食和牛，可以叫C餐。💥 安格斯牛板腱、安格斯牛仔骨、安格斯牛粒、安格斯封門柳，全部都好新鮮，牛味濃，肉嫩，店長教我哋擰少少海鹽🧂落去調味。💥雞泡魚乾，送酒一流，好夠味，燒10分鐘左右就食得，剪開一條條，外脆內軟，食唔停口。💥大蜆 好新鮮，好大隻，隻隻都開晒，冇沙，啖啖肉。💥多春魚 平時燒多春魚好驚燶，又驚整爛，呢度串好晒，輕易就燒出外面脆，好多春，好正。💥扇貝好鮮甜，又夠大隻👍💥牛柳粒串燒 初頭食都幾好食，食完安格斯再食就食到分別，安格斯牛好食好多。💥燒菠蘿 🍍 食左咁多野，要搵啲水果中和一下
📍巴巴串
夏天想B B Q又唔熱熱同落雨，最岩就係去室內自助B B Q場。自助區提供二十多種串燒任取，串燒全部串好一串串，放係齒輪上面就自動燒，唔駛驚燶，涼住冷氣慢慢燒。
除咗自轉串燒任食（A餐)之外，仲有安格斯牛任食（B餐)，和牛黑毛豬羊架蟹腳任食（C餐）。今次晚餐我哋叫症美國安格斯牛放題套餐（B餐），有多款高質肉任食，包括安格斯牛板腱、安格斯牛仔骨、安格斯牛粒、安格斯封門柳、皇室無激素豬腩肉、雞泡魚乾同埋鮮甜扇貝，全部都好好食，店長仲送咗一碟和牛俾我哋試食，如果想任食和牛，可以叫C餐。
💥 安格斯牛板腱、安格斯牛仔骨、安格斯牛粒、安格斯封門柳，全部都好新鮮，牛味濃，肉嫩，店長教我哋擰少少海鹽🧂落去調味。
💥雞泡魚乾，送酒一流，好夠味，燒10分鐘左右就食得，剪開一條條，外脆內軟，食唔停口。
💥大蜆 好新鮮，好大隻，隻隻都開晒，冇沙，啖啖肉。
💥多春魚 平時燒多春魚好驚燶，又驚整爛，呢度串好晒，輕易就燒出外面脆，好多春，好正。
💥扇貝好鮮甜，又夠大隻👍
💥牛柳粒串燒 初頭食都幾好食，食完安格斯再食就食到分別，安格斯牛好食好多。
💥燒菠蘿 🍍 食左咁多野，要搵啲水果中和一下，甜甜地食完好開胃。
💥自助飲品🧃雪糕區 多款罐裝紙包飲品任飲，同埋阿波羅脆皮雪條和雲呢拿雪糕等等……
💥甜品 有好多選擇，細細件，可以款款都試吓，水果有哈密瓜🍈、西瓜🍉、菠蘿🍍，勁新鮮。
💥前菜 中華沙律，墨魚仔，螺肉，泰式鳳爪。
💥仲有熟海蝦、藍青口、翡翠螺、爆谷、蝦片、牛油粟米、BB番薯仔、咖喱魚蛋、芝士焗椰菜花、老火湯、糖水，超多野食，好抵食。
Post
