薩莉亞意式餐廳 (寶輪街) (Closed)

朋友仔住美孚1行3人平平地來薩利亞食個dinner, 星期日晚都多人等位，好彩等左15分鐘就入得啦。我地叫左三文魚沙律、水牛芝士伴蕃茄、芝士焗薯角、辣味雞翼、白汁雞肉菠菜、羊鞍、芝士法包，咁多樣之中我最鍾意個雞翼同雞肉菠菜，雞翼惹味帶小小辣啱晒我呢d唔食得太辣但又鍾意惹味既口味，雞肉菠菜個白汁超好味，雖然明知食左會肥，但真係忍唔住呀，其他都不過不失，呢間平民意大利餐廳真係好抵食，3個人加埋2位飲品任飲都係$175，宜家係茶餐廳食個常餐閒閒地都要$40-50啦。