鱷魚泰國餐廳 (Closed)

之前已經同朋友嚟過呢間泰國餐廳食嘢，覺得價錢抵食物質素又都唔錯，店員又好禮貌，所以今日又再來試吓其他菜式，熱辣辣行到過嚟坐低即刻叫返兩個椰青解解渴，又甜又夠凍！朋友首先叫咗個生蝦刺身，食落好新鮮，點埋辣醬，夠晒開胃！跟住叫個豬頸肉沙律，用咗好多香料煮，用生菜包嚟食，非常惹味！天口熱，啱晒做前菜！跟住就試吓佢個椰汁雞湯，要左小辣，平時唔係好食得辣野，所以覺得都幾辣，不過酸酸地有幾過癮！上次嚟冇叫到我最鍾意食嘅金邊粉，今次一定要試吓，叫咗個蛋網金邊粉，賣相唔錯！一食就覺得酸味同甜味配合得岩岩好，好岩我口味！另外仲要左芒果蟹肉炒飯，好香口而且好多蟹肉！成碟食晒！總括嚟講環境好食物質素好價錢又抵！絕對會食完再食！